Ашуре

Потребни состојки:

1 шолја исчистена пченица
½ шолја сува леблебија
½ шолја ситен грав
1 шолја шеќер
1 јаболко
50 гр. суво грозје
50 гр. суво овошје
50 гр. ореви
50 гр. лешници
1 калинка (за украсување)

Подготовка:

Пченицата се вари во вода 20 минути. Се остава да се исцеди во текот на една ноќ. Леблебијата и гравот, исто така се оставаат да отстојат во вода една ноќ, по што одделно се варат и се цедат. Пченицата се става да проврие во вода, која треба да ги покрие зрната. Се гмечи со виљушка и не се цеди, а потоа во неа се додава излупено и изрендано јаболко. Во едно тенџере се ставаат гравот, леблебијата и сушеното овошје. Се посипува со шеќер. Потоа се додава пченицата со јаболкото и сето тоа се става да проврие 30 минути на слаб оган. Се распоредува во чаши и се остава да се излади во текот на ноќта. Се гарнира со мелени ореви и лешници, и уште со зрна од калинка. Така се сервира. 
Потребни состојки:

100 гр. какао
50 гр. путер
50 мл млеко
2 лажички мед или шеќер

Подготовка:
Млекото се загрева и додека е уште на топлата рингла се додава путерот, со постојано мешање. Се тргна од шпоретот и кога смесата ќе се излади се додава какао. Сето тоа добро се промешува за да нема грутчиња, а потоа се додава мед или шеќер. По желба, во оваа фаза може да се додадат и лешници, бадеми или некое суво овошје во количина колку што сакате. Добиената смесша исипете ја во саканиот калап, кој потоа ќе го држите во фрижидер додека чоколадото сосема не се стегне, а тоа е околу еден час.
Потребни состојки:

450 гр. јунешки бифтек
800 мл супа
1 голема глава кромид
2 моркова (рендани)
1 пашканат
1 шолјичка доматно пире
1 лажица маслиново масло
1 лажичка исечкан магдонос
 
Подготовка:

Рерната се загрева на 190 степени. Месото се сече на коцки. Кромидот се пржи на масло додека не добие стаклест изглед, па се додава месото да се пропржи додека не фати светлокостенлива коричка. Се става супата, па се додаваат исечканиот зеленчук и доматно пире. Температурата на рерната се намалува на 170 степени и подготвениот гулаш се остава да се пече околу 1 час. Се сервира со печен компир или паста и зелен зеленчук (спанаќ, блитва, брокула).
Потребни состојки:

4 корени целер
300 гр. мелено јунешко месо
1 јајце
1 чаша павлака
100 гр. кашкавал
масло, сол, зачин

Подготовка:
Целерот се чисти и се вари во солена вода. Се цеди и се длаби средината. Меленото месо се пржи, па се додаваат зачинот, ренданиот кашкавал и јајцето. Со смесата се полни целерот, се прелива со павлака и се запечува во рерна околу 30 минути, на 180 степени. 

Потребни состојки:
1 помала глава карфиол (околу 400 гр.)
2 компира
1 глава кромид
1 јајце
1 лажица зачински додаток за јадења
Сол, црн пипер
 
Подготовка
Кромидот се сечка ситно, па се остава да проврие во врела вода (1,5 л.), заедно со додатокот за јадења. Се додаваат исчистената и исечкана глава карфиол и компирот исечкан на коцкички. Се вари сѐ додека не смекне, па се додава црн пипер, сол, па се трга од огнот. Јајцето се разматува, му се додава павлака и сето тоа се меша и се зачинува супата. Зготвената чорба се става во чинија и се посипува со ситно исечкан магдонос. 

состојки

-  1 марула, исецкана на парчиња
-  1 јаболко, исецкано на резанки
- мала црвена зелка, исецкана на мали долгнавести ленти
- пола шоља ореви
- чаден кашкавал, количински додадете по ваш вкус

прелив
Измешајте малку јаболков оцет со маслиново масло ,сол и бибер, и едноставно прелијте ја салатата.
Од навечер потопете во вода пола шолја суво грозје, десетина исецкани суви смоквии исто толку суви кајсии. Наутро извадете ги од водата, ставете ги во блендер, додадете сок од исцеден портокал, мелен рогачпо желба и мелени овесни снегулки. Треба да добиете смеса од која ќе можете да формирате топчиња. Можете да ги јадете за појадок или вечера, и воедно ќе ви бидат верен “ сопатник” во одвикнувањето од пушење. 
Потребни состојки
 
- Листови кисела зелка,
-  3 страка праз,
- 400-500 гр. Свежи шампињони,
- 1/2 шоља (од 200 мл.) ориз
- 100 гр. Мелени ореви,
- малку сол и мелен бибер, 
-  1 лажица црвен пипер,
- можеби малку лута буковка по желба,
-  1 лажица ровко брашно.
 
Подготовка

На масло се пропржува ситно сечен праз. Одвоено се запржуваат ситно сечени шампињони и се додаваат на пржениот праз. Во сето тоа се додава оризот, оревите и зачините. Во подлабоко тенџере на дното се ставаат неколку  листови од кисела зелка.  На лист зелка се става од смесата праз, шамињони, ориз и ореви и се мотаат сармички. Сармичките се редат во тенџерето и се покриваат со неколку листа зелка. Во тафчето во кое се пржел празот се додава 1 лажица брашно, малку масло и 1 лажица црвен пипер и се промешува. Полека се додава ладна вода, се промешува, за да не се направат грутчиња и сето тоа се става да зоврие. Со таа течност се прелива сармата и се остава да се крчка на тивок огин околу 1,5 час. 

За Нас

Ваш Аптекар, наменето да ги задоволи вашите потреби за квалитетни информации во врска со употребата на лековите и другите средства кои ги земате во аптеките. Ние се грижиме за вашето здравје и ќе ви обезбедиме интересни содржини кои директно ќе влијаат врз вашиот приод кон лекувањето и начинот на живот воопшто.

Следете не на Facebook

Newsletter

Внесете ја вашата е-пошта и навремено дознајте за сите новости и информации поврзани со Ваш Аптекар.