Потребни состојки:

- 100гр црно чоколадо
- 150гр брашно
-100гр кафеав шеќер
- 150гр путер
- 4 круши
- сок од 1/2 лимон
- 1 лажичка цимет
 
Подготовка

Путерот оставете го на собна температура. Крушите излупетe ги, исечете ги на коцки, ставете ги во сад и ставете го врз нив сокот од лимон. Додадете малку шеќер и измешајте убаво. 
Во друг сад измешајте го путерот со брашното, циметот, останатиот шеќер и мешајте убаво за да биде смесата како песок. Чоколадото исечкајте го на парчиња и додадете го во смесата, која ќе ја ставите одозгора на крушите. Садот ставете го во загреана рерна и печете околу 35 минути.

Потребни состојки

  • главица карфиол
  • 2 моркови
  • 2 пиперки
  • 4 чешниња лук
  • 1 главица кромид
  • 4 лажици лимонов сок
  • 8 лажици маслиново масло
  • 1 лажичка сусам
  • ким, малку шеќер, сол и бибер

 

Одвојте цветчиња карфиол, обарете ги во посолена вода, додадете го морковот сецкан на крукчиња и варете уште 10-тина минути. Ситно исецкајте го лукот и кромдоти измешајте ги со сокот од лимон, ким, бибер, малку шекер и маслиновото масло. Карфиолот и морковот процедете ги и кратко ставете под млаз на ладна вода и додека е млако прелијте со подготвениот прелив. Кон смесата додадете ја исецканата пиперка и промешајте.

Доколку сте љубител на луто додадете толчена пиперка или лут црвен пипер.

Потребни состојки:


  • 500 г варен грашок

  • 2 варени јајца

  • бело месо

  • 1 кисела павлака

  • 2 кисели краставички

  • 1 лажичка сенф

  • сол, бибер, сечкан магдонос

Грашокот се бари и се лади. Белото месо се вари и се сечка на ситно. Се сечкаат јајцата и краставичките, и сè заедно се меша со сите останати состојки. Се лади и се сервира.

Потребни состојки:

  • 500 г шитаке печурки
  • 5 црвени везени пиперки (може и луто по вкус)
  • 3-4 чешниња лук
  • 1 китка магдонос, маслиново масло, јаболков оцет, сол и бибер во зрно

 

Подготовка:
 

Печурките се бланшираат околу 2 минути во врела вода, во која е додадено малку оцет. Се ладат под млаз вода и се сечат на парчиња. Се додаваат везените пиперки, исто така исечкани, во форма по желба. Се сечкаат лукчето и магдоносот и сè заедно се меша со додавање сол, бибер, масло и оцет. Пред да се консумира, би било добро салатата да отстои петнаесетина минути.


Совет плус: наместо шитаке, можете да употребите друг вид расположлива печурка (лисичарка, вргањ, буковка).

  • 250 г црвен грав

  • 250 г пченка шеќерац

  • 1 праз

  • 1 помала главица кромид

  • 2 чешниња бел лук

  • 2 печени пиперки

  • 1 краставица

  • месо по желба (димена пастрмка, туна, бело пилешко месо)

  • маслиново масло, сол, бибер, магдонос, сок од лимон

 

Сите состојки се сечкаат и се мешаат заедно со гравот и пченката. Се додава малку маслиново масло, се меша, се зачинува и се посолува. На крај, се додава месото. Се остава да се излади и се сервира.

Во тенџере ставете 250 мл вода, додадете и 25 мл маслиново масло или путер и зачинете со 1 лажичка сол. Откако ќе зоврие водата, тргнете ја од рингла, истурете внатре 250 гр кус кус и мешајте со виљушка (внимавајте да не се направат грутки).
Исечкајте ситно 1 домат, ½ модар патлиџан, 1 кромид и 2 чешниња лукче.
Во тава ставете 1 лажица путер и 30 мл маслиново масло. Прво, додадете ги кромидот и лукот, откако ќе добијат стаклест изглед, додадете го останатиот зеленчук. Потоа, додадете кус кус и мешајте да се спои со зеленчукот. Постојано мешајте за да не ви се залепи или за да не се формираат грутки. 
Доколку сакате, јадењето можете да го збогатите со туна. Послужете со лимон.
  • 1 кг брокола

  • 200 г бело сирење

  • 4 лажици павлака

  • 2 јајца

  • 3 лажици маслиново масло

  • 2 лажици лимонов сок

  • 2 чешниња бел лук

  • сол, бибер

Броколата одвојте ја на цветчиња и обарете ја во вода (не повеќе од 4 минути) во која претходно сте додале малку сол, масло и лажица лимонов сок. Процедете и оставете да се излади. Во меѓувреме, сирењето измешајте го со павлаката и со истолчениот лук. Прелијте со лажица лимонов сок, посолете и забиберете. Со вака подготвениот сос, прелијте ја броколата, промешајте и од горе додадете ги варените јајца исечкани на осминки.

Потребни состојки ( за двајца)


200 г тестенини
400 г спанаќ
2 пилешки копани 
1чешне лук
маслиново масло
сол и зачини
 

 Подготовка

Најпрвин пилешкото месо се вари , се сецка на парченца и се пропржува на маслиново масло со лукчето и зачините се додека не зарумени. 
Во меѓувреме обарете го спанаќот , претходно добро измиен и процедете го.  Сварете ги и тестенините. 
Измешајте го пилешкото и спанаќот и со вака добиената смеса прелијте ги сварените и процедени тестенин.
Нарендајте пармезан по желба. 

За Нас

Ваш Аптекар, наменето да ги задоволи вашите потреби за квалитетни информации во врска со употребата на лековите и другите средства кои ги земате во аптеките. Ние се грижиме за вашето здравје и ќе ви обезбедиме интересни содржини кои директно ќе влијаат врз вашиот приод кон лекувањето и начинот на живот воопшто.

Следете не на Facebook

Newsletter

Внесете ја вашата е-пошта и навремено дознајте за сите новости и информации поврзани со Ваш Аптекар.