Состојки:

  • 1/2 чаша вода
  • 1 шолјa жолт шеќер
  • 600г урми исечени на половина
  • 1/2 шолја брашно
  • 1/4 од лажичка сода бикарбона
  • 1/2 шолја ситни овесни снегулки
  • 1 шолја растопен путер
  • сечкани ореви или бадем

Подготовка:

1. Во еден сад ставете вода да зоврие. Додадете 1 шолја шеќер, и по некое време додадете ги урмите и мешајте 6-8 минути, сèдодека урмите не станат меки. 

2. Во сад измешајте го брашното со содата. Додадете ги овесните снегулки и остатокот од шеќерот и добро измешајте. Растопениот путер ставете го во смесата со брашно и мешајте сèдодека смесата не стане како песок. Во намрсен сад за печење ставете на дното три четвртини од смесата. Ставете ги одозгора урмите и покријте ги со остатокот од смесата. Одозгора наросете со бадеми или ореви. Печете на 180 степени околу 30 минути. Оставете да се олади и потоа исечете го колачот на коцки.

Потребни состојки за две лица:

  • 2 големи тиквички
  • 1 морков
  • 100/125 г сварена киноа
  • 50 г пармезан
  • маслиново масло, сечкан магдонос, сол
  • 1 чешне лук
  • малку кари, црн бибер и сол
Загрејте ја рерната на 180 степени. Измијте ги тиквичките, отстранете ги краевите и исечете ги на половина по должина. Срцевината извадете ја со помош на мала лажичка и исечкајте ја на коцки.
Во тава ставете 2 лажици маслиново масло и пропржете ги морковите исечкани на коцки.
При крајот, додадете ја срцевината од тиквичките, претходно сварената киноа, магдоносот, лукчето и зачините. Ставете ги тиквичките во сад за печење и наполнете ги со смесата. Одозгора ставете го пармезанот. Нека се печат 25 минути.

Потребни состојки:

  • 500 г јунешко месо

  • 3 моркови

  • 1 главица кромид

  • ½ корен целер

  • 1 пашканат

  • 1 ловоров лист

  • бибер, сол и зачин

Подготовка:

Месото се става во врела вода (задолжително). Дваесетина минути пред да биде сварено, се додаваат зеленчуците. Се процедува и се става на чинија (водата се зачувува за подготовка на прелив). Дополнително како гарнир може да се употребат барен карфиол, брокола, прокељ и сл.

Прелив со печурки:

  • 200 г печурки (или по желба)

  • 2 лажици брашно,

  • масло,

  • сол, бибер

  • 2 лажици павлака

  • малку лимонов сок

 
Шампињоните се сечат на ливчиња и се ставаат да се динстуваат, се додаваат брашното, течност (од истата во која е варено месото) и зачини. Се вари десетина минути и на крајот се додаваат павлаката и сокот од лимон.

Прелив со рен:

  • 50 г путер или масло

  • 2 лажици брашно

  • ¼ литар течност (или по потреба за соодветна густина)

  • 1  кисела павлака

  • 2 лажици рендан рен (или од тегла)

  • сок од лимон, сол, сечкан магдонос, бибер и зачин

Брашното малку се пропржува на путер/масло, се додава од течноста и се проврива. На крајот, се додаваат павлаката, сокот од лимон и зачините.
 
Овие преливи, покрај за вареното месо, соодветно може да се употребат и за печено месо.
 

Тесто за 50 колачиња:

  • 2 цели јајца

  • 1 ќесичка прашок за печиво

  • 500 г брашно

  • 200 г шеќер

  • 300 г путер

  • изрендана кора од лимон

  • сок од четвртина лимон

 
Полнење: мармалад по избор
Декорација: шеќер во прав
 
Замесете ги сите состојки потребни за тестото и побрашнето оставете го тестото замотано со фолија во фрижидер околу 30 минути. Тестото поделете го на два еднакви дела. Првиот дел од тестото растегнете го на побрашнета подлога до дебелина од 2 мм. Со округли калапчиња или со чаша издвојте 50 парчиња за основа на колачињата и ставете ги во хартија за печење водејќи сметка за растојанието, за да не ви се залепат. Од вториот дел од тестото направете уште 50 парчиња за покривниот слој со истиот калап, со тоа што дополнително со помал калап или со чаша направете дупка во средината.
Тестото се пече 10 до 12 минути во претходно загреана рерна на 150 степени (зависно од рерната). Топлите колачиња се оставаат да се изладат за да добијат цврстина. Основниот слој се премачкува со мармалад по избор (или со чоколаден премаз) и со лесен притисок се прекрива со покривниот слој од испеченото тесто. Готовите колачиња декорирајте ги со шеќер во прав.
 

Состојки за 4 лица:

  • 2 тиквички

  • 2 јајца

  • 20 г путер

  • 100 мл павлака за готвење

  • 100 г пармезан

  • 1 лажица зачин

  • сол, црн бибер

Подготовка:

Загрејте ја рерната на 200 степени. Исечете ги тиквичките на тенки кругови. Во еден сад изматете ги јајцата, павлаката и зачинот, и половина од пармезанот.
Со путер премачкајте го садот во којшто ќе печете и ставете ги крукчињата тиквички. Врз нив сипете ја смесата од јајцата, додете сол и бибер, и одозгора наросете со остатокот пармезан. 
Нека се пече 30 минути и консумирајте го топло со некој вид месо или салата.

Состојки:

  • 400 г макарони

  • 4 јајца

  • ½ литар млеко

  • сирење (по желба)

  • 1 шолја масло

Подготовка:

Макароните се варат во посолена вода. Во погоден сад се матат јајцата, млекото, сирењето и маслото. Готовите макарони се цедат и се ставаат во тавче за печење. Се преливаат со смесата и се ставаат во загреана рерна на 220 степени дваесетина минути, односно додека не се запечат  макароните.

Состојки:

  • 1кг компир

  • 3 главици кромид (црвен)

  • 4 лажици  оцет

  • 4 лажици масло

  • сол и малку бибер

 

Подготовка:

Компирот се вари во посолена вода. Откако ќе се свари, се лади, се лупи и се сече на тенки крукчиња. Во посебен сад се става кромидот ситно сечкан на ливчиња, се додаваат оцетот, маслото и солта. Се меша и се добива прелив кој е добро да отстои додека се вари компирот.
Во стаклена чинија се реди слој од компирот и слој од преливот сè додека има смеса. Одозгора се посолува со бибер.

Состојки:

 

  • 300 г пилешко месо

  • 300 г млада коприва

  • 1 главица кромид

  • 1 морков

  • целер, пашканат, 1 чешне лук

  • сол, бибер, зачин и 1 лажица пченкарно брашнo

Подготовка:

Пилешкото месо се вари и се сече на коцки. Во тава се пропржува кромидот, во кој се додава зеленчукот исечкан на коцки. Се прелива со водата каде е варено месото и се врие 5 минути. Се додаваат копривaта (претходно попарена и исечкана) и 1 лажица пченкарно брашно, претходно разматено со малку течност од супата. Се вари уште 5 минути и се трга од оган. Може да се сервира со додаток од лимонов сок, павлака или кисело млеко.

За Нас

Ваш Аптекар, наменето да ги задоволи вашите потреби за квалитетни информации во врска со употребата на лековите и другите средства кои ги земате во аптеките. Ние се грижиме за вашето здравје и ќе ви обезбедиме интересни содржини кои директно ќе влијаат врз вашиот приод кон лекувањето и начинот на живот воопшто.

Следете не на Facebook

Newsletter

Внесете ја вашата е-пошта и навремено дознајте за сите новости и информации поврзани со Ваш Аптекар.