Посебна мусака


Состојки:
3 главици кромид  
2 лукчиња
500 г тиквички
500 г компир
500 г морков
300 г мелено месо
2 јајца
1 чаша млеко
бибер, магдонос
 
Подготовка:
Запржете го кромидот, додадете го месото и продолжете го пржењето. Додадете ги тиквичките, компирот и морковот (претходно изрендани и непроцедени), посолете со сол, бибер, магдонос и прелијте со шолја вода. Измешајте ја смесата и ставете ја да се пече во рерна. Пред крајот, мусаката прелијте ја со смеса од изматени јајца и млеко и вратете да се допече уште околу 15 минути. 

Колач од јаболка


Состојки:
3 големи јаболка
2 чаши (од 200 г) шеќер
1 чаша масло
4 чаши брашно
100 г мелени ореви
1 цимет
200 г чоколадо за готвење
2 мали лажици сода бикарбона
1 цимет
џем од кајсии
 
Подготовка:

Изрендајте ги јаболката, додадете сода бикарбона и шеќер, и оставете во фрижидер ½ час. Потоа, додадете ги маслото, брашното, оревите и циметот. Промешајте ја смесата и ставете ја во тавче за печење обложено со хартија или премачкано со масло и брашно. Печете половина час на 220 степени. Готовиот колач (топол) прелијте го со џемот од кајсии. Одозгора прелијте со стопена чоколада и оставете да се излади. Служете на коцки.

Состојки: 

4 кртоли чичока
2 моркова 
200 г компир
1 литар вода 
кромид, лукче  
 
Подготовка:
Запржете го кромидот и додадете ги останатите состојки претходно исечкани или рендани. Додадете ги водата и зачините, промешајте и варете. На крајот, декорирајте со магдонос.

Потребни состојки


- 4 црвени пиперки, исечени на половина 
- 4 парчиња телешко месо
- 3 лажици маслиново масло
- 4 чешниња лук
- 1 китка 
брокула, малку обарена
- сол и црн бибер
 
 
Подготовка
Парчињата месо испечете ги на грил тава со масло. Истото направете го и со пиперките. Потоа пиперките излупете ги и исечкајте ги на коцки. Брокулата и лукчето запржете ги на тава со маслиново масло. Додадете ги пиперките и зачинете. Месото може да го исечете на помали парчиња и да го додадете на зеленчукот. Може да го послужите со ориз или некоја друга житарка.

Состојки:


- 125 гр ф'стаци

- 125 гр фета

- 2 лажици маслиново масло

- 1 чешне лук

- 200 гр кисело млеко

- сок од 1/2 лимон

- малку сушено нане

 

Подготовка

Измелете ги претходно исчистените ф'стаците и додадете го маслиновото масло и останатите состојки. Може да го послужите со интегрални стапчиња или кој било вид на пециво. 

Потребни состојки:


- 180 гр кафеав шеќер
- 4 јајца
- 120 гр брашно
- 1/2 пециво
- малку сол
- 50 гр путер
- 1 лажичка цимет
- малку ѓумбир во прав
- 300 гр рендани моркови
- 125 гр јатки по желба (ореви, бадеми, лешници)
 
За кремот:
- 250 гр маскарпоне
- малку шеќер во прав
- малку сок од лимон
 
Подготовка
Изматете ги јајцата со шеќерот. Додадете го брашното, пецивото, солта и зачините и сèдобро измешајте. Растопениот путер, јатките и морковите додадете ги во смесата и ставете ја во подмачкан калап. Нека се пече во загреана рерна на 180 степени околу 60 минути. Состојките за кремот добро измешајте ги и убаво ставете ја врз испечениот колач.

Потребни состојки


- 1 црвено јаболко
- сок од 1 лимон
- половина зелена зелка сечкана
- половина црвена зелка сечкана
- малку целер ситно сечкан
- сетно сечкани ореви
- 4 лажици јаболков оцет
- малку сенф
- сол, црн бибер
-сино сирење или фета
 
Подготовка
Во сад исечкајте го јаболкото на кришкиидодадете ги зелките и целерот. Во друг помал сад измешајте ги состојките за сос и ставете го одозгора на салатата и добро измешајте. На крај додадете ги сирењето и оревите одозгора.

Потребни состојки:

- 300 гр печурки (може и месо)
- 2 чешниња лук
- 1 кромид исечкан
- 1 тиквичка сечкана на коцки
- 1 домат исечкан ситно
- 300 гр ориз
- пармезан и зачини по желба
- малку свеж магдонос
 
Подготовка

Во еден сад со масло ставете ги свежите печурки исечкани да се пропржат. Во друг сад ставете го лукот, кромидот, тиквичката и зачините. Нека крчкаат додека да омекнат зеленчуците. Оризот сварете го и исцедете го, па додадете го во тавата со зеленчуци. На крај одозгора ставете пармезан, магдонос и домати.

За Нас

Ваш Аптекар, наменето да ги задоволи вашите потреби за квалитетни информации во врска со употребата на лековите и другите средства кои ги земате во аптеките. Ние се грижиме за вашето здравје и ќе ви обезбедиме интересни содржини кои директно ќе влијаат врз вашиот приод кон лекувањето и начинот на живот воопшто.

Следете не на Facebook

Newsletter

Внесете ја вашата е-пошта и навремено дознајте за сите новости и информации поврзани со Ваш Аптекар.