Слатка, сочна и вкусна. Гаси жед, отстранува замор, го подобрува расположението, дава енергија и елан за работа. Кој друг, ако не лубеницата. Совршено освежување во жешките летни денови, а се препорачува и во исхраната кај луѓето кои страдаат од болести на срце, крвни садови, жолчка и црн дроб.

Лубеницата (Citrullus lanatus) многумина ја вбројуваат во редот на овошките, но, всушност, претставува зеленчук од фамилијата Cucurbitaceae. Во исхраната се користи плодот кој најчесто има топчест облик, зелен по боја, прошаран со риги. Внатрешноста на плодот е исполнет со „сочно месо“ во црвена боја.

Лубеницата не е само вкусно освежување во топлите летни денови, туку е и супер здрав додаток на исхраната. Содржи преку 90 % вода и многу корисни состојки: витамин А, Ц, Б1, Б2, Б3, Б5, Б6, калиум, бакар, цинк, фосфор, магнезиум, железо, јод, растителни влакна, аминокиселини аргинин и цитрулин, ликопен, органски киселини, целулоза и шеќер.

Лековити својства на лубеницата

Лубеницата има изразени антиоксидантни својства, го зајакнува имунитетот, ги штити клетките од оштетувања и помага во побрзо заздравување на раните.
Претставува одличен диуретик, ја стимулира работата на бубрезите, овозможува создавање поголемо количество урина, го прочистува уринарниот систем и помага во ослободување од бубрежните каменчиња.
Лубеницата е одлична за оние кои страдаат од артритис, но и за сите кои се изложени на стрес и се пушачи. Кај овие лица се појавува состојба на системско воспаление, врз кое многу поволно делува ликопенот присутен во лубеницата, што ја става лубеницата во групата на намирници со изразени антиинфламаторни ефекти.
Поради содржината на аргинин и цитрулин, лубеницата поволно влијае врз нормалното функционирање и врз здравјето на целокупниот кардиоваскуларен систем. Ова дејство го надополнуваат калиумот и магнезиумот, кои помагаат во регулирање на крвниот притисок.Ликопенот  дополнително го намалува ризикот од појава на кардиоваскуларни болести.
Значителните концентрации на калиум и магнезиум ја прават лубеницата одличен избор за рехабилитација и за обновување на мускулите по физичка активност. 

Прва помош при изгореници

При изгореници од сончање, од голема корист може да бидат облоги со сок од лубеница или облоги од нејзината кора.

Одличен афродизијак

Цитрулинот во лубеницата ги релаксира крвните садови на сличен начин како вијаграта. Поради ова, лубеницата се смета за одличен природен афродизијак.

Хидратација

Лубеницата содржи преку 90 % вода, поради што е одличен избор за хидрирање на телото за време на летните жештини.

За вита линија

Лубеницата нема холестерол и речиси нема ни маснотии, содржи многу калиум, витамини А, Ц и Б6  и има мала калорична вредност. Дава чувство на ситост и е одлична за намалување на вишокот килограми и за одржување на здрава и вита линија.

Се јаде целиот плод

На светскиот пазар постојат и видови лубеница без семки, што се резултат на хибридизација, но не и на генетска модификација. Се препорачува да се консумираат видовите со семка, затоа што семките се, всушност, многу здрави. Содржат железо, цинк, протеини и влакна.
Кората, пак, на лубеницата најчесто се фрла. А, всушност, од неа со мал додаток на лимета може да се направи здрав освежителен пијалак. Кората е богата со хлорофил и со состојки важни за имунолошкиот и за кардиоваскуларниот систем.

Неколку факти  што можеби не сте ги знаеле:

  • Лубеницата содржи повеќе ликопен од суровите домати.
  • Сокот од лубеница може да ја намали болката во мускулите.
  • Може да се јадат семките и кората.
  • Постојат и жолти лубеници – со жолто месо и со поблаг вкус налик на мед.
  • Достапна е во текот на целата година.
  • Рокот на траење ѝ е околу една недела.


                               

Хроно исхранатане е само диета за постигнување на саканата тежина, туку и  применлив концепт за здрав начин на живот, кој е во согласност со метаболичките процесиво нашиот организам.

Што е потребно за да се започне со хроно режим на исхрана?

Единствен услов за практикување на овој начин на исхрана е вашата желба и добра волја да се разберат принципите, и стекнатото знаење соодветно да се примени.

Кои се предностите?

Предностите на хроно исхраната се тоа што програмата не дава ограничувања на количеството на консумирање на храната и нема броење на калориите.
Она што е особено важно е што со овој начин на исхрана ќе му кажете збогум на таканаречениот „јо-јо“ ефект, односно враќање на загубената телесна тежина.

На што се базира и кои се основните начела на хроно исхраната?

Основните постулати на хроно програмата на исхранa се:
  • Правилен временски распоред на дневните оброци. Многу е важно во текот на денот да се внесат три оброка и тоа од 08.00 до 20.00 часот, со оптимална пауза од 4 часа меѓу оброците. Најважно е преку појадокот да се внесе најголемо количество различни хранливи супстанции.
  • Создавање алкална средина во организмот. Ова е особено важно затоа што закиселувањето предизвикува хронични воспалителни и дегенеративни заболувања (карциноми, инфаркт, шеќерна болест и сл.).
  • Глуциден индекс (ГИ) – брзината со која одредена храна го зголемува нивото на шеќерот во крвта (гликозата), односно примена на таканаречени бавни шеќери, т.е. сложени јаглехидрати во исхраната.

Практична примена на хроно исхраната:

  • Денот се започнува со хербален чај (или млака вода) и цеден лимон. Со ова се создава алкална средина која е основен предуслов за здрав организам;
  • Појадокот започнува половина час по консумирање на утринската напивка;
  • кафе е дозволено максимум двапати во денот и тоа половина час по појадокот и по ручекот;
  • Појадокот e задолжителен оброк кој треба да биде богат со бавни јаглехидрати (цереалии, интегрален леб, житарки и сл.)  и маснотии од животинско потекло (сирење, моцарела, путер, кисело млеко, пршута, јајца и сл.);
  • Забрането е консумирање алкохол и газирани пијалаци кои содржат шеќери или вештачки засладувачи;
  • Не се препорачува комбинирање на протеини и јаглехидрати за ручек и вечера. Ова е дозволено само наутро за појадок;
  • Забранети се сите видови „грицки“ (соленки, чипсови, пуканки, кикирики, апетисани и сл.) меѓу оброците;
  • Ужината којашто е дозволена вон рестриктивниот период, може да биде овошје (свежо или суво) како и одредени дозволени слатки производи и тие се консумираат во период помеѓу 16.00 и 18.00 часот по зимско сметање на времето, или помеѓу 17.00 и 19.00 часот по летно сметање на времето;
  • Кравјо млеко и јогурт не се дозволени;
  • Кисело млеко и тестенини од дозволени брашна се консумираат само за појадок;
  • Не e дозволенo консумирање на маргарин, растителни сирења (освен тофу), растителна павлака, растителен шлаг, пекарски печива, односно намирници кои спаѓаат во групата транс-масти.

Рестриктивна фаза

Хроно исхраната се започнува со таканаречениот рестриктивен период, кој трае најмалку 28 дена или 4 седмици. Периодот на рестрикција е времето кое му е потребно на организмот за да се исчисти од токсините, од белото брашно, белиот шеќер, како и период во кој се учи кои намирници се дозволени и во кој период од денот треба да се консумираат.

 

Xроно оброци за време на рестриктивен период




ПОЈАДОК – најважниот оброк        
Појадокот е најважниотоброк. Овој оброк ги дефинира сите клеточни функции во организмот во текот на денот. Идеалниот појадокби требало да содржи животински масти, малку протеини и повеќе таканаречени бавни шеќери (житарки, интегрален леб, мусли и сл.).Појадокот треба да трае 30 минути и да не биде подоцна од 11.00 часот претпладне.
Утринското кафе е дозволено 30 минути по појадокот.
 

Пропуштањето на појадокот е најголемата грешка во исхраната. Единствено преку утринското внесување храна се активира процесот на ослободување на складираните масти. 

 
РУЧЕК – полнење на батерите
Ручекот започнува 4-6 часа по појадокот. За ручек треба да се консумираат протеини од животинско или од растително потекло,комбинирани со разновиден зеленчук, како извор на бавни шеќери и растителни влакна.
Во овој период од денот, започнува секреција на ензими кои ги варат протеините–протеази и ензимот амилаза кој помага при варењето на скробот и гликогенот. Во организмот започнува процес на вградување.
Важно е да се напомене дека за време на ручекот забрането е комбинирање на јаглехидрати со протеини,како и комбинирање на компир со месо.
 
ВЕЧЕРА – започнува одмор
Навечер започнува период на одмор на организмот. Нивото на кортизол (хормон на будноста)се намалува, а нивото на инсулинот е ниско. Започнува период на регенерација на клетките и создавање нови. Вечерниот оброк треба да биде лесен бидејќи нашиот организам нема можност да се бори со тешка и обилна храна.
Идеална храна за вечера е избор на лесни протеини и зеленчук,исклучиво со зелена и бела боја (марула, зелка, брокули, карфиол, тиквички, пиперки). Скробниот зеленчук(грашок, боранија, компир) не се препорачува. Вечерата започнува 4-6 часа по ручекот.
 

По вечерата,треба да внимаваме заспивањето да биде по два часа затоа што за време на спиењето се забавуваметаболизмот,а со тоа постои можност внесената храна да остане недигестирана.



 
 

 Во последните две децении појавата на “неплодни” бракови е многу честа.Ваквата состојба може да биде резултат на неплодност на жената, но сѐ повеке и на мажот.Во овие редови ќе се задржам на проблемите кои ги имаат мажите кои сакаат да станат татковци.

Пред 20-ина години околу 20 % од мажите имаа проблем со плодноста. За жал, денес таа појава е на многу повисоко ниво и тоа двојно повеке, па дури 40 % од мажите имаат проблем да станат родители.
 
Зошто е тоа така? Кои се причините кои го зголемија овој проблем? Дали овој проблем може да се реши? Кој е вистинскиот пат за да се стигне до целта – да станам татко?
Секој маж кој се обидува подолго од една година да стане татко, а притоа резултатот е негативен, треба да направи соодветна анализа на семената течност, односно да го испита квалитетот на спермограмот. Тоа е рутинско испитување со кое ќе се утврди вредност на концентрација, подвижност и морфолошки карактеристики на сперматозоидите, а со тоа да се одреди квалитетот на плодноста. Постојат три категории –добро зачувана плодност (фертилност), смалена плодност(субфертилност) и неодредена плодност(индетерминирана фертилност).Сепак, ниту една ваква анализа не може со сигурност да биде веродостојна за тоа дали мажот е плоден или не.
Јас секогаш ја барам вистината во логиката, а таа ми говори дека неплодноста не мора да е конечна работа. Секогаш, добрите и позитивните промени во начинот на живеење прават чуда. Па така, ако се постави за цел исконската желба – да станам родител, тогаш, бидете подготвени да започнете со промените.

Дали има решение?

Мојата практика како нутриционист покажа дека многу брачни парови со промена на начинот на живеење станаа родители. Почнаа со еден поинаков здрав начин на исхрана и еден поинаков животен стил. Ги намалија или целосно се откажаа од цигарите. Алкохолот се сведе на минимум, брзата храна на нула, заборавија на газирани и на негазирани пијалаци. Воспоставија нормален биоритам на легнување пред полноќ, станување во утринските часови, пешачење, практикување лесни спортски активности и коригирање на телесната тежина. Едноставно, се адаптираа на еден поинаков и природен начин на живеење.

Како?

Се одбегнува храна со многу месо, сирења и масти. Се одбегнува премногу алкохол, цигари итн. Всушност, се одбегнува онаа храна која е причинителот на затнување на  крвните садови кои го снабдуваат машкиот полов орган со крв, што пак, е клучот за добра ерекција и производство на плодни сперматозоиди.
Секојдневен внес на витамин Ц. Ова значително го подобрува квалитетот на спермограмот. Д-р Вилијам Харис – професор на еден медицински факултет во Тексас, на мажите им давал по еден грам витамин Ц секој ден, во период од 60дена, а резултатите од проучувањето биле одлични. Сепак, која доза на витамин Ц ќе помогне за добар квалитет на спермата е индивидуален. Зависно од индивидуата, може да се оди и на многу поголеми дози со витамин Ц на дневно ниво. Секако, и со јадење многу свежо овошје и зеленчук се внесува витамин Ц, но сепак, додатоците во вакви случаи се неопходни.
Покрај зголемена доза на витамин Ц, потребен е и внес на следните елементи како преку храна, така и како додатоци.
 
ЦИНК – потребно е мин. 15 мг на ден, но се оди дури и до 60 мг. Морските плодови како што се школките и раковите, се вистински извори на цинк, но и сите сурови семки од тиква, сончоглед, пченичните никулци и сл.
 
СЕЛЕН – Јадете околу 5 бразилски ореви на ден за да ја задоволите потребата за овој минерал кој е неопходен за зголемување на квалитет на спермограмот. Секако, може да се зема и како додаток, но до 200 мгна ден.
Се препорачува и дополнително земање витамин Е, витамин Б12, фолна киселина, каргинин, Л-карнитин.

Од природни препарати можам да препорачам:

Секое утро да се почне со пиење една супена лажица ленено или рибино масло (омега3), а потоа 5јајца од препелица со цеден сок. Двапати на ден да се пие напивка од какао со додавање на една мала лажичка корен мака во прав.
 
ИСХРАНА– Многу свежо овошје и зеленчук, риба –извор на омега3 – најмалку 3-4 пати неделно, мин. 100г сурови семки од тиква на ден.Движете се повеке, пливајте, легнувајте на време, сакајте се, слушајте убава музика,бидете позитивни и убавите нешта ќе си дојдат.



Вегетаријанската исхрана воопшто не е монотона и „здодевна“ како што можеби имаат претстава луѓето коишто не можат да замислат оброк без месо. Во суштина, постои цела палета на намирници кои во целост може да ги заменат животинските производи без, притоа, нималку да се изгуби од разновидноста и вкусот на храната.

Се поставува прашањето: дали вегетаријанската храна е исклучително здрава?

Дали секоја храна која не е храна од животинско потекло е здрава? Дали луѓето кои што не јадат храна од животинско потекло, но јадат слатки, кондиторски производи, грицки, бели печива, лиснати теста (кроасани), чипсови, смоки, пијат газирани сокови, ладни чаеви, енергетски пијалаци и многу кафе,се хранат здраво? Секако дека не.
Заклучок е дека  вегетаријанците коишто ги практикуваат горе споменатите артикли се исхрануваат комплетно нездраво.
Еве и зошто:       
Шеќерот, белото брашно, трансмастите (маргаринот) ,млекото, многу сол, се доминантни состојки во овие продукти. Токму овие состојки во храната се најголемите причинители за зголемен број болни лица од дијабетес, зголемени маснотии во крвта, замастен црн дроб, висок притисок, инфаркти, мозочни удари, дегенеративни заболувања како Паркинсонова болест, Алцхајмер ,зголемен број автоимуни болести како мултиплекс склероза, реуматоиден артрити сл. Доаѓаме до заклучок дека ипокрај отстранување на храната од животинско потекло, и со преоѓање на горенаведениот начин на вегетаријанска исхрана,за жал ,ништо не сме постигнале во однос на сопственото здравје. Можеби само е постигнат етичкиот момент,а тоа е: да не се убиваат животните.
Вистинското вегетаријанство е тесно поврзано со она што ни го дава мајката природа, она што ни го дал Бог: вода, свежо овошје, свеж зеленчук, сурови јатки, сурови семки, целозрнести житарки, мешунки (легуменози), понекогаш јајца, риба.
Во мојата работа ,што трае повеќе од 15 години, јас на моите членови им подготвувам програми за здрава исхрана и ги следам на неделно ниво.Овие програми во првите три недели содржат исклучително вегетаријанска исхрана, а целта е добра детоксикација на телото.Само со вистинска вегетаријанска исхрана ,во којашто доминантна е свежата храна ,може да се чисти телото ,па полека и сигурно да се оди во правец на подобрување на здравствената состојба.

Ајде да го разгледаме историјатот на вистинското вегетаријанство. Дали е само трендили има далечни корени?

Сепак ,постојат веродостојни докази дека вегетаријанството има илјадници години стари корени и тоа од Индија. Во Европа ,вегетаријанството започнува на крајот од 6. век п.н.е .со грчкиот филозоф Питагора.
Значителен развој на вегетаријанството започнува во Англија во 18. век. Веќе во 1847 годинаво градот Рамсгејт во Англија се формира здружение на вегетаријанци кое за кратко време се проширува и во други градови ,како Манчестер, Лондон. Ова движење било толку многу во подем, па било причина за појава на дури 52 вегетаријански ресторани. Во ова здружение станал член и светски познатиот вегетаријанец и водач на мировното движење во светот– Махатма Ганди.

Многу луѓе поради религиозни, етички, здравствени и други причини се приклучуваат кон вегетаријанството.

Предностите на вистинската вегетаријанска исхрана се многубројни во однос на човековото здравје. Еден од очигледните примери се Ескимите–имаат многу краток век на живеење, бидејќи нивната храна се сведува исклучиво на месо и риба без никакво присуство на свежа вегетаријанска храна. За разлика од нив ,Тибетанците и хуните се луѓе кои се најдолговечни, бидејќи се хранат на полувегетаријански начин на исхрана.

Постојатразлични видови вегетаријанство, но јас ќе се задржам на оние најосновните.

Вегани

Ова се вистински вегетаријанци коишто ја исклучуваат комплетно храната од животинско потекло: месо, месни преработки, млеко, млечни преработки, јајца, риба, морски плодови. Тие не јадат ниту мед.Тие не носат ниту облека, чевли и аксесоари од животинско потекло. Не ја користат ниту облеката од волна.

Лактовегетаријанци

Овие вегетаријанци, покрај храната од растително потекло ,консумираат и млеко и млечни производи: сирење,кашкавал, павлака, хопла, слатки на база на млеко, шеќер, бело брашно. Јас, лично, никогаш не би се хранела на овој начин на исхрана, бидејќи го сметам за еден од најнездравите опции во исхраната. Зошто? Денес, млекото е преполно со хормони за раст, антибиотици, пестициди итн. Во последно време,кај многу деца се појавува интолеранција на млекото и млечните производи. 


Оволактовегетаријанци

Покрај храната од растително потекло, тие консумираат јајца, млеко и млечни производи.

Песко-ововегетаријанци

Овде се присутни рибата и јајцата, покрај вегетаријанската храна. За сега, ова е мојот избор за најприспособлив и најздрав концепт на исхрана во услови и начин на коишто живееме.

Квазивегетаријанци

Овој вид вегетаријанци, покрај рибата и млечните призводи, во своето мени додаваат и пилешко месо, покрај растителната храна.

Сакам да ги споменам и другите видови вегетаријанство,како:

Сурови вегани

Тоа се вегани што јадат исклучиво сурова храна– термички необработена: свежо овошје, зеленчук, јатки, семиња, житарки, ‘ртени житарки, леб печен на сонце.

Фрутаријанци

Ова се вегетаријанци што јадат само овошни плодови, семки и јатки. Овој начин на исхрана за мене е екстремно радикален и не би го прифатила, а не ја гледам и целта на сето ова.

Радикални фрутаријанци

Ова ми е комплетно неприемчив начин на исхрана –да се јадат само оние овошја, јатки и семки кои што паднале на земјата.

Макробиотика

Овој вид вегетаријанство има стари корени од Далечниот Исток, но полека се шири и на други простори.

Дали вегетаријанците (посебно веганите) се доволно снабдени со протеини?

Можеби ќе се изненадите, но вегетаријанците (посебно станува збор за веганите) сосема доволно се снабдени со протеини. Постојат продукти од растително потекло што содржат комплетни протеини,а тоа се: сојата и нејзините преработки, наутот, конопените зрна, семето од чиа, алгата спирулина и псевдожитарките: киноа, елда, амарант. Кога се консумираат житарки и мешунки заедно, тогаш се добиваат повеќе комлетни протеини од оние во месото.

Дали доволно е обезбеден витаминот Б12?

Витаминот Б12 (кобаламин) е суштински важен за создавање на црвените крвни зрнца, за одржување здрав нервен систем. На дневно ниво,треба дасе внесува од 2-3 микрограма Б12. Во извори од растителна храна го има во интегралните житарки, спирулината, соините продукти, но него го произведуваат и добрите бактерии во нашите црева.

Дали доволно е обезбеден минералот железо?

Во исхраната на вегетаријанците, а посебно на веганите, нема недостиг од минералот железо. Најмногу го има во: зелениот лиснат зеленчук, зелената трева, зелената магма, семето од коприва, во алгите како спирулина,  хлорела, афа алгите, во сувото овошје, црвените бобичести овошја, во јатките итн.

Дали доволно се обезбедува калциум?

Постои заблуда дека луѓето што го одбегнуваат консумирањето на млекото и млечните производи ќе имаат недостиг на калциум–минерал кој е главен градител на нашите коски. Вегетаријанците секогашсе одлично снабдени со калциум, бидејќи го консумираат од зелениот лиснат зеленчук (кељ, прокељ, спанаќ) цело зрнестите житарки, интегралниот сусам, смоквите, сончогледовото семе итн.
 

Во историјата, но и сега има многу значајни личности кои што на одредена возраст од својот живот се одлучиле да станат вегетаријанци. Сакам да набројам некои од нив:

Старогрчките филозофи:
Питагора, Аристотел, Платон, Сократ, потоа Ајнштајн, Да Винчи, НиколаТесла, Чарлс Дарвин,Њутон, Ганди, Кафка, Толстој итн.                                                                                      
Од актеритеи од пејачите,вегетаријанци што ни се добро познати се: Бред Пит, Ричард Гир, Дастин Хофман,Ким Бесинџер, Пенелопе Круз, Мадона, Пол Макартни, Бој Џорџ.     
                   
Најпознати светски имиња во спортот кои што биле вегетаријанци се: Денис Родман, Карл Луис, Џонс  Вајсмилер, Мартина Навратиловаитн.
Многу интересен е фактот дека гладијаторите штосе бореле во арените со лавови (2. и 3. век пред Христос) биле типични вегетаријанци.  Научници од Медицинскиот универзитет во Виена во соработка со Институтот за форензичка медицина во Берн откриваат дека гладијаторите се хранеле со намирници од растително потекло– овошје, зеленчук, житарки.
Овие факти, секако, одат во прилог на спортистите што го практикуваат вегетаријанството.
Би сакала да споменам убави мисли од големи луѓе поврзани со вегетаријанството:
 
Леонардо да Винчи(14521519)гениј, уметник, научник: „Ќе дојде време кога луѓето на убивање на животните ќе гледаат како на убивање на луѓето.“                 
 
Томас Едисонизумител на сијалицата, грамофонот, микрофонот:  „Јас сум вегетаријанец бидејќи така можам максимално да го користам својот мозок"





Подготвила:
                                                                                                          
Цвета Динева
серт.нутри.консултант
 

УРМА

“Овошје на боговите”, “пустински леб”се само дел од епитетите кои и се препишуваат на урмата. Во земјите од арапскиот свет се смета за најважна намирница во исхраната. Расте во пустинските оази во кои може да биде и единствена билка која може да му помогне на човекот да преживее.

Најздраво овошје!

Во здравствена и нутритивна смисла, урмите се сметаат за најздраво овошје на планетата. Лесно се сварливи и се одличен извор на влакна кои се важни за правилна работа на цревата. Претставуваат вистинска ризница на витамини па со право се наракуваат  и природна мултивитаминска таблета наменета за возрасни и деца.
Природниот шеќер содржан во урмите во значителни количини претставува совршена  алтернатива за обичниот шеќер. Претставуваат одлино средство за заситување и намалување на чуvството за глад.
Здравствените користи се многубројни.  Анемија, холестерол, висок крвен притисок и други заболувања се наоѓаат на листата кај кои урмата како храна и лек дала инзвонредни резултати.

Одличен извор на железо

Лицата кои страдаат од анемија треба да сметаат на урмите заради инзвонредната содржина на железо. Покрај ова витаминот Ц исто така содржан во урмите ке помогнат во полесна ресорпција на железото.

Витаминиза очи

Со оглед дека содржат лутеин и зеаксантин , урмите се нарекуваат витамини за очи. Овие две состојки се од особено значење за здравјето на очите и за зачувување на добриот вид.

Инстант решение против тврда столица

Богатството од влакна ја чини урмата идеална во справување со симптомите на тврда столица. Во сто грама урми се содржани во просек околу 5 до 8 грама растителни влакна.  
За подобар ефект неколку урми навечер покиснете ги во чаша со вода. Во текот на ноќта урмите ке пуштат сок кој е одличен лаксатив. Овој сок конзумирајте го наутро на празен стомак.

Енергетски стимуланс и храна за мозокот

Доколку ви е неопходна инстант енергија тогаш едноставно изедете неколку урми. Со оглед дека се богати со прроден шеќер, урмите ќе ви ја вратат енергијата за миг. Дополнете го утринскиот шејк со неколку урми и обезбедете енергија за цел ден. Доколку пак во текот на денот се чувствувате уморно и поспано вашата ужна нека биде во форма на урми.
Покрај физичка енергија урмите се идеална храна и за мозокот. Па така особено се препорачуваат на лица кои се занимаваат со интелектуална работа  и работа која бара посветеност и внимние.

Идеална за време на пости

Бидејки не содржи маснотии а е изразено слатка урмата е одличен избор за лица кои се на пост а се љубители на слатки десерти. Воедно хранливоста и енергетската вредност ке придонесат за ситос подлг временски период. Ова значи дека урмата може сосема успешно да се користи и во одредени диететски режими заради регулирање на телесната тежина.

Силно срце и низок крвен притисок

Лицата со срцева слабост би требало задолжително да ја внаеста оваа овошка во секојдневната исхрана.  За подобар ефект од урмите подгответе напиток кој ке го пиете неколку пати во текот на денот. Десетина урми потопете во еда шоља вода. Оставете да одстојат цела ноќ. Наутро одстранете ги семките и избендирајте ги урмите  заедно со водата.
Заради идеалниот баланс на натриум и калиум урмите имаат благотворно дејсво и се препорачуваат и кај лица со висок крвен притисок.



Богатството од храна кое го нуди природата е нешто што постојано не изненадува.  Истражувајќи низ историјата и гледајќи ги концептите и намирниците кои ги конзумирале нашите предци можеме да се изненадиме за тоа како и колку здраво се хранеле древните народи. Еднаод таквите намирници која била препознаена и користена во редовната исхрана е киноата.

Во семејството на супер храна

Киноата представува супер храна и се почесто си го наоѓа своето место во модерната кујна. Поради корисните состојки и активните компоненти кои ги содржи киноата е растение кое има позитивен ефект врз здравјето и се препорачува на сите оние кои водатили се ориентирани кон  здрав начин на живот.

Киноата се смета за една од најздравите намирницина светот

За киноата се знае уште од пред 4000 години.Позната е и како  “златно зрно”, “божевтсвено зрно” или “мајка на житата”.
 Киноата е семе, но често се класифицира како житарка, поради начинот на кој што се приготвува кој е ист како кај житарките, како и поради сите доблести што ги содржи без да предизвика проблеми во варењето.
Во 2013 година од страна на Обединетите нации е прогласена Меѓународна година на киноа, при што е доделено особено признание на населението од Андите., Население кое ја одржувало, контролирало, штитело и ја зачувало киноата како храна на сегашните и идните генерации.

Нутритивни компоненти

Споредена со житарките, киноата содржи двојноповеќе растителни влакна, двојноповеќе протеини од оризот и од било кое зрно. Не содржи холестерол, богатае со  есенцијални амино киселини и може да се користи како замена за месото, што е значително важноза вегетаријанците.
Богата е со минерали кои се неопходни за човековиот организама содржи  и  витамин Б6, манган, бакар, магнезиум, фосфор, железо... и антиоксиданси.

За што е корисна:

Докажано е дека има  низок гликемичен индекс поради ниската содржина на  јагленохидратите кои бавно се ресорбираат и не предизвикуваат брзо покачување на шеќерот.Заради оваможе да се употребува како здрав начин за одржување на нивото на шеќерот во крвта.
 

Нутриционистите сметаат дека, според хранливите особиникои ги поседува  може дури да се споредува и со мајчиното млеко.

 Покрај ова киноата нуди голем број другуи придобивки

  • Го намалува крвниот притисок и помага при спречување на срцеви заболувања
  • Ја регулира столицата и го забрзува метаболизмот
  • Помага при губење и одржување на телесната тежина
  • Помага во намалување на честотата на мигренозните напади
  • Ја зголемува енергијата
  • Го чисти организмот од токсини

Начин на  подготовка

Киноата е лесна за подготовка и подеднакво лесна за варење во стомакот.

Подготовка:

Киноата нараснува во процесот на готвење, па имајте на ум дека од 1 шолја сирова киноа ќе добиете околу 3 шолји приготвена киноа.
Пред да започнете со варење на киноата, се препорачува да ја измиете во цедилка и притоа да ја триете со дланките. Пробајте неколку зрна и ако има горчлив вкус, продолжете со миење.
Киноата се вари во вода. За варење на една шолја киноа се доволни две шолји вода. Најдобро е прво да ја зовриете водата, а потоа да ја додадете киноата. Варете на ниска температура 15-20 минути.

Киноата може да се доаде во секаков вид на салати, може да се искористи во супите (наместо фиде), во разни десерти а , може да се послужи како гарнир со месо или риба,
Од киноата можат да се испржат вкусни ќофтиња.

 

Каранфилчето е ароматичен сушен цвет кој со својата посебна арома и состав се употребува како зачин и лек повеќе од 2000 години. Во кулинарството најчесто се користат цели или измелени исушени цветчиња, додека маслениот екстракт наоѓа примена како традиционален лек.

Состав

Карактеристичниот мирис и вкус на каранфилчeто е резултат на етеричното масло еугенол. Покрај еугенолот, во составот на каранфилчето се наоѓа значително присуство на танини, смоли и флавоноиди. Токму на ваквиот состав на каранфилчето му се препишуваат антивоспалително, аналгетско, антиоксидативно, антикоагулантно и локално анестетско дејство.

За добро варење и одржување вита линија

Чајот од каранфилче ги стимулира варењето и циркулацијата, ги намалува стомачните тегоби и надуеноста и го забрзува метаболизмот. Во комбинација со ѓумбир и цимет помага во одржување на телесната тежина, а воедно e и како добар имуностимуланс.

  • измешајте по 30 г  мелено каранфилче, ѓумбир и цимет;

  • 30 минути пред појадок земете по една кафена лажица од мешавината и разматете ја во 100-200 мл вода;

  • напивката користете ја во период од 30 дена.

Природен афродизијак

Поради благодатното дејство на циркулацијата, чајот од каранфилче се користи и како природен афродизијак.

Намалување на холестеролот и маснотиите во крвта

Пијалак подготвен од каранфилче покажува добри резултати при покачени вредности на масните компоненти во крвта.
5 г цели каранфилчиња се ставаат во шише од 2 литра вода да отстојат во фрижидер 2-3 дена со повремено протресување на шишето. Секое утро се консумираат по 100 мл од течноста. Истиот процес се повторува со консумирање на уште дополнителни 2 литра, по што задолжително се прави пауза од минимум еден месец.

Прва помош при забоболка и лош здив

При забоболка, со локално нанесување на измелено каранфилче или маслен екстракт се постигнува аналгетско и антисептично дејство. Маслото можете сами да го приготвите на следниот начин:
  • во тегличка се става 1/4  шолја од цели каранфилчиња и се прелеваат со 1 шолја маслиново масло;
  • прекриената шолја се остава да отстои 24 часа на собна температура по што се процедува;
  • добиеното масло се чува во затворена тегличка во фрижидер.

Гаргара со неколку капки од оваа масло додадени во вода се користи за освежување на здивот, а воедно го спречува и развојот на бактериите во усната шуплина.

Кулинарство

Поради својата јака арома, измелени или цели каранфилчиња, обично, се додаваат во компоти, сосови, печива, пити со јаболка, чорби, овошни салати, варено вино и други пијалаци. Како додаток во разни печења, освен за декоративни цели, каранфилчето има улога и за олеснување на варењето
 

.

Храната е цело богатство вкусови, а уживањето во храната некогаш треба да го платиме со непријатниот мирис на здивот.
Овој примат им припаѓа на лукот и на кромидот, кои се неверојатни состојки во храната кои освен подобрување на вкусот и мирисот на јадењата имаат и значително позитивно влијание врз нашето здравје.

Лук

Пред сè, зачинска билка која освен во кулинарството има значително место во народната, но и во официјалната медицина. Има карактеристичен мирис кој може да трае и до 24 часа, остра арома и вкус кој се разблажува во текот на готвењето. Луковицата од лукот, која е најчесто користена во исхраната, е поделена на повеќе месести делови наречени чешниња. Чешнињата се користат како семе, за исхрана (свежи или зготвени), како и во медицински цели. Листовите, стеблото и цветовите (наречени булбили) се, исто така, јадливи и најчесто се употребуваат додека се сèn уште незрели и нежни.

Што го прави толку вреден?

Големиот број истражувања откриваат дека лукот содржи околу 200 активни супстанции и тоа во концентрирана форма.
Лукот е богат со минерали, калциум, сулфур, фосфор, железо, јаглехидрати, сулфурни етерични масла, азотни материи, алин, ферменти и витамини А, Ц и витамини од Б-групата (Б1 и Б2).
Една од покарактеристичните состојки е супстанцијата алицин на која ѝ се препишуваат антивирусно, антибактериско и антигабично дејство.
Чешнињата се еден од најбогатите извори на: калиум, железо, калциум, магнезиум, манган, цинк и селен.

Лековитата страна на лукот

Лукот, освен што со своите антибактериски дејства лекува настинки и грип, тој е мошне употребувана билка во многу други здравствени ситуации.
На прво место, лукот го смалува крвниот притисок како и нивото на холестерол во крвта.
Со редовно консумирање на лукот се намалува ризикот за појава на рак и го подобрува имунитетот.
Ги штити крвните садови и го намалува ризикот од срцев и мозочен удар.
Лукот, исто така, го елиминира заморот, напнатоста, вознемиреноста и го подобрува расположението, благодарение на селенот кој се наоѓа во оваа билка.
Лукот делува против цревни паразити, па затоа луѓето кои редовно консумираат лук, ретко кога страдаат од паразити во цревата.
Оваа билка е одличен антиоксиданс, го успорува процесот на стареење и ефикасно заштитува од многубројни хронични заболувања, катаракта, бронхитис, паркинсонова болест...
Во период кога владеат грипот и настинките, добро е да се зема по едно или две чешниња лук, бидејќи оваа билка ги уништува бактериите, вирусите и габите, кои во старт може да го спречат развојот на овие болести.
Лукот поседува лековите својства и свеж и зготвен.
Против паразити, габи, вируси и бактерии се препорачува да се консумира свеж. Во зготвен облик најдобри резултати дава за заштита на крвните садови, против инфаркт и тромбоза, додека закиселен се препорачува за заштита од рак.



















Кромид

Кромидот сигурно може да предизвика солзи во очите и да остави непријатен мирис во устата, но дефинитивно ќе обезбеди вашето тело да е богато со вредни хранливи состојки, а повеќето јадења без вкусот на кромидот би биле „празни“.

Кромидот е незаменлива намирница на нашето поднебје, но и во другите делови од светот и во различните кујни. Луѓето го сакаат кромидот на сите начини.
Освен во гастрономијата, тој е омилен и во природната медицина, а неговата лековита моќ е позната меѓу народот.
Факт е дека својствата на кромидот се сестрани и многу моќни, па затоа и може да се класифицира меѓу најздравите видови храна во целиот свет.

Што содржи и за што е корисен?

Кромидот содржи големо количество вода, потоа јаглехидрати, растителни влакна и минимални концентрации на протеини и масти. Содржи и витамин Б6 кој е важен за создавање црвени крвни клетки, витамин Ц – важен за имунитет и убава кожа, фолна киселина – есенцијална за создавање клетки, калиум – корисен за крвниот притисок и за здраво срце, и манган – за здрави ткива и коски.
Кромидот се употребува за лекување обична настинка, па сè до срцеви заболувања, дијабетес, остеопороза и некои други болести. Во својот состав има хемиски соединенија – кварцетин, кои имаат антивоспалително дејство, а се употребува и за намалување на холестеролот.

Подгответе сами

Кромидот може да се употреби за изготвување народен лек против кашлица.

Подготовка:
Една главица кромид со средна големина, исчистете ја и исечкајте ја, ставете ја во длабок сад и прелијте ја со мед. Садот поклопете го со капак и оставете го на собна температура да отстои преку ноќ. Утрото процедете ја смесата низ газа или цедалка. Земајте по една лажица сируп на секои два часа, а може и почесто, ефектот ќе се почувствува за брзо време, при што ќе почнете да искашлувате и полесно да дишете.

Време е за младо лукче и коромид

Пролетта е период кога може да уживаме во пролетниот млад лук и кромид, кои на изглед се многу слични, но  можеме да ги разликуваме по тоа што зелените ливчиња на лукот се тенки и прави, а на кромидот цевчести и кружни.
Едно од основните продобивки на младите кромод и лук е тоа што може да се употребува целото растение. Единствено што треба да направиме е да го измиеме и да ги отстраниме коренестите влакненца.


 

 

За Нас

Ваш Аптекар, наменето да ги задоволи вашите потреби за квалитетни информации во врска со употребата на лековите и другите средства кои ги земате во аптеките. Ние се грижиме за вашето здравје и ќе ви обезбедиме интересни содржини кои директно ќе влијаат врз вашиот приод кон лекувањето и начинот на живот воопшто.

Следете не на Facebook

Newsletter

Внесете ја вашата е-пошта и навремено дознајте за сите новости и информации поврзани со Ваш Аптекар.