Shfëltimi i celularit është po aq i nevojashëm sa kafeja e mëngjesit dhe njoftimet me ngjyrë të kuqe të pahapura janë po aq provokuese sikur të ishin një dhuratë që e gjeni të fshehur në dollap - për shkencëtarët kjo quhet varësi nga ekrani. Mos e mohoni, është koha për detoks!
 
SIMPTOMAT
1. Mbani gjithmonë një karikues, madje edhe një bateri rezervë.
2. Dridhja menjëherë drejton vëmendjen tuaj ka ekrani blu.
3. Ju shtriheni dhe ngriheni duke shfletuar celularin tuaj.
4. Është më keq për ju të harroni telefonin tuaj sesa portofolin tuaj.
 
ÇKA NUK ËSHTË NË RREGULL?
Ekspozimi ndaj dritës blu, ajo që emetohet nga celulari, zvogëlon sekretimin e melatoninës, e cila ndikon në mënyrë të barabartë edhe në cilësinë edhe kohëzgjatjen e gjumit. Shkencëtarët në Universitetin e Harvardit kanë zbuluar se ndërverprimi me teknologjinë, një orë para gjumit, vonon prodhimin e melatoninës për 90 minuta, duke zvogëluar sasinë e tij përgjysmë. Ndërsa shumë procese biologjike në trup varen nga gjumi, mbani në mend se falë celularëve dhe veglave të tjera, ju rrezikoni shumë më tepër sesa mëngjesin.
Lajmi i keq është se nuk jeni të sigurt as ditën. Drita blu mund të shkaktojë degjenerim makular ose turbullim dhe humbje të shikimit, që zakonisht është një proces natyror, shoqërues i pleqërisë.
Nuk guxojmë të mos e përmendin edhe momentin e injorimit të bashkëbiseduesit sepse përmbajtja e servuar nga celulari është shumë më interesante. Të gjithë e kemi gjetur veten në këtë situatë të injorimit nga bashkëbiseduesi, i cili, në vend që të na dëgjojë dhe t’i kushtojë vëmendje gjendjes sonë mendore, vazhdimisht ngul sytë dhe kokën në cecular. Por për të qenë i sinqertë, me siguri edhe ne kemi qenë ata me kokë të përkulur shumë herë. Përveç mungesës së kulturës, kjo shprehi e tillë që ka depërtuar në jetën tonë, ngadalë por sigurt, ndikon në aftësitë tona shoqërore dhe kapacitetet tona për të
bashkëpunuar. Nuk jeni i sigurt për këtë supozim? Atëherë pyesni veten nëse preferoni t’i telefononi dikuj apo t'i shkruani në Viber? Nëse përgjigja është nën dy, atëherë keni problem.
Gjërat bëhen më të komplikuara në planin afatgjatë, sepse përveç marrëdhënieve dhe lidhjeve të prishura, studimet thonë se koha e gjatë e kaluar me pajisjet digjitale rrit rrezikun nga izolimi, ankthi, vetmia dhe depresioni. Mendoni kështu: Nëse për shkak të ndonjë aktiviteti dixhital nuk jeni në gjendje të bëni gjërat që duhet të bëhen, atëherë është koha për ndryshime.

PASTRIMI
Përdorni të gjithë ata alarmet që mbajnë llogari që të jeni të përqendruar në celurarin tuaj në favorin tuaj. Ata do t'ju ndihmojnë të përballeni me faktet. Si? Shkyçni ata dhe provoni sa mund të duroni pa kontrolluar se çfarë është e re. Nuk është e nevojshme t’i fikni krejt papritur, filloni me lajmërimet përkujtuese të postave elektronike ose ata të destinuara për aktivitete kalendarike që sigurisht i ndiqni ndërsa jeni në punë. Thuajini lamtumirë celularit tuaj një orë para gjumit dhe përcaktoni atë në opsionin 'i heshtur'. Sidoqoftë, ju do të bëni shërbimin më të madh nëse ndryshoni vetëdijen në kokën tuaj: "Unë përdor teknologjitë vetëm për një qëllim, jo për të mbushur kohë!" - mos e harroni këtë.
Ngulitni sytë në monitor tërë ditën? Nuk pranoni madje edhe nëse ju paguajnë për këtë! Udhëhiquni me rregullin 20-20-20: hulumtimet sugjerojnë përqëndrimin në diçka (prapa ekranit) 20 hapa larg, për 20 sekonda, çdo 20 minuta. Kjo do të lehtësojë simptomat e qenësishme të sindromit vizuale kompjuterik - tension, thatësi, djegie dhe ndjeshmëri të syve.

NJË SËRË E EFEKTEVE TË DOBISHME
Jetë më të gjatë - Studiuesit thonë se ekziston gjithashtu një lidhje midis kohës së gjatë të kaluar para ekraneve blu dhe rrezikut të rritur nga pothuaj të gjitha sëmundjet vdekjeprurëse si sëmundjet e zemrës dhe kanceri.
Më shumë para- Kjo është veçanërisht e vërtetë për gratë që kanë zhvendosur zakonin e tyre të blerjes në internet.
Tru më i përqendruar-Ulja më gjatë para një monitori shoqërohet me ulje të vëmendjes dhe përqendrimit veçanërisht te fëmijët, kështu që mos u habitni nëse nuk mund të lexojnë mësimin.
Fillimi i lehtë i ditës- Ekspozimi ndaj dritës blu deri vonë e zvogëlon ndjenjën e të qenurit gati për ditën tjetër. Tani e kuptoni pse disa njerëz shkojnë në palestër herët në mëngjes dhe të tjerët nuk reshtin së shtypuri butonin për dremitje (snooze).
Produktivitet më i madh- Pushimi i kaluar jashtë me kolegët rezulton me më shumë produktivitet në krahasim me pushimin ose pauzën e kaluar para një monitori.
Po! 
Lëkura e fytyrës pëson tranzicione kyçe gjatë gjithë vitit dhe për të përfituar sa më shumë nga këto ndryshime është e nevojshme të përshtatim funksionin e saj përmes hidratimit adekuat sezonal.

HIDRATIMI
Dhe kur temperaturat bien dhe rriten, lëkura përballet me një sfidë të quajtur hidratim. Nëse dëshironi një lëkurë të plotë dhe të hidratuar me një efekt shkëlqyes, kërkoni një serum të lehtë të mbushur me vitaminë C. Ky kombinim do të mbrojë dhe hidratojë spontanisht lëkurën duke minimizuar mundësitë e bllokimit të poreve në minimum. Vitamina C është thelbësore për lëkurën e prirur ndaj puçërrave. Për të shuar tërësisht etjen e lëkurës, pas serumit, aplikoni një krem me bazë të acidit hialuronik, peptideve dhe vitaminave. 

SPF-MBROJTJA
Mos lejoni që rrezet e buta të diellit t'ju mashtrojnë, ata poashtu do të shkaktojnë dëm, dhe e para në listë është fotoplakja. Filloni me SPF Factor 30 dhe kushtojini vëmendje kremit ose locionit për t’u mbrojtur kundër UVA, UVB dhe rrezeve infra të kuqe. Nëse lëkura është e prirur ndaj puçërrave, ju duhet një variant që nuk përmban asnjë vaj, sepse me rritjen e temperaturës, ajo do t'i bllokoj poret. Ky rekomandim është një domosdoshmëri për ata me lëkurë natyrore të ydnyrshme. 

PILINGU (Qërimi)
Gjatë dimrit, ditët e ftohta, humbja e lagështisë, erërat e ashpra dhe nxehtësia artificiale brenda shtëpisë stresojnë ndjeshëm lëkurën. Për të përjetuar efektet premtuese të serumit ose kremës së fytyrës më shpejt është e nevojshme shfletëzimi i shtresës së qelizave të vdekura. Trajtimi i shfletësim ose luspim mundësisht të përmbajë fruta, acid glikolik ose salicilik. Acidi glikolik do të heq papastërtitë e depozituara në poret, ndërsa acidi salicilik do të thithë yndyrën e tepërt. Lëkura e re do të lejojë depërtimin e thellë të përbërësve kryesorë të kremërave.
 
KREM PËR RRETH SYVE
Lëkura rreth syve është më e hollë se pjesa tjetër e fytyrës dhe për këtë arsye shpejt mbetet pa ujë. Kur i shtoni kësaj mbylljen e syve të shkaktuar nga rrezet e para të diellit, lehtë do të arrini në përfundimin se keni nevojë për një krem hidratues që do të trajtojë rrudhat e imëta në të njëjtën kohë. Produkti ideal do të vinte i paketuar me një përqendrim të lartë të antioksidantëve dhe peptideve që do të mbrojnë kolagjenin nga rrezet e dëmshme UVA. 

Ata të dy jo vetëm që ndajnë të njëjtin emër, ata ndajnë të njëjtën buzëqeshje energjetike, ngjitëse dhe të parezistueshme, si kur kamerat janë duke punuar ashtu edhe kur janë në pushim. Publiku e do aq shumë Jelenën nga seriali televiziv "Prespav", sa që shumica besojnë se aktorja është identike me personazhin që luan. Ky është vetëm një konfirmim i aftësive të aktrimit të Jelenës e cila në jetën reale është një shpirt i vërtetë artistik, një profesioniste e shkëlqyeshme, një zonjë shembullore e sofistikuar për të cilën lypesen shumë anë për ta përjetuar atë në dritën e vërtetë. Kjo është vetëm një pjesë e vogël e kushtuar jetës së përditshme të aktores sonë me sukses ndërkombëtar. 
 

 
Farmacisti juaj: Meqenëse jetoni çdo ditë në Kroaci, a jeni në dijeni se "Jelena nga Draceva" është bërë çdo vajzë e dytë në Maqedoni? Nëpër rrugicat tona udhëtojnë shumë gra të hareshme, luftarake prania e të cilave dëshirohet nga të gjithë, por kur drita zhduket, ata mbeten shpirtëra të vetëmuar të cilët besojnë se lumturinë do të gjejnë vetëm nëse shpërngulen nga këtu. 
Jelena Jovanova: Dikuj i mjafton një rrugicë, dikush asfiksohet në nguticën e globit. "Jelena nga Draçeva" është vetëm një nga ata që dëshiron një biletë njëkahëshe për të ikur nga rrugica e saj për ta pushtuar globin. Sigurisht, një nevojë e tillë, kur jeton në një shtet të premtimeve të parealizuara, ku është e qartë për kë është nënë dhe për kë është njerkë, bëhet edhe më e kuptueshme dhe e domosdoshme. Kam 7 vjet që jetoj në relacionin Zagreb-Shkup. Nuk mendoj se bari në Kroaci është më i gjelbër, por sigurisht që është më i rregulluar. Uroj dhe shpresoj që të vijë koha kur sistemi të funksionojë për ne dhe kur gjërat do të funksionojnë nuk do të ketë asnjë incident. 

Farmacisti juaj: Ata që shikuan versionin maqedonas teatral të muzikalit të famshme "Çikago", ishin pjesë e një turme njerëzish që dëshmuan se Maqedonia ka njëqind herë aktore më të mirë sesa Rene Zelviger dhe Katerine Zeta Jones së bashku. Jelena, a jeni në dijeni të madhështirë së talentit tuaj? A vlerësohet dhe a çmohet sa duhet në vendin tonë? Ju cilit i jepni përpari, teatrit ose filmit? 
Jelena Jovanova:Oooh! Nuk di si të vazhdoj me përgjigjen, kur bëhet fjalë për një mendim të tillë të ndarë! Faleminderit! Për mua është e rëndësishme! Nëse nuk ka audiencë, nuk do të isha aktore. Unë besoj në sytë dhe zemrën e tyre. Fakti që deri tani kam qenë e parnuar, më mirë sesa kam dëshiruar, konfirmon faktin që jam në vendin e duhur dhe që se krijoj në kohën time! Unë jam përjetësisht dhe jashtëzakonisht mirënjohës për këtë. Unë jam akoma duke mësuar dhe dua ta mësoj këtë zanat. Unë gëzohem për çdo rol të besuar dhe përpiqem të bëj maksimumin. Teatri i kamerave gjithmonë më ka flejtur më shumë, kështu që në njëfarë mënyre kam arritur të lidhem me kamerën më lehtë. Përparsi në zgjedhje ka vetë ky projekti dhe nëse dhe sa ky projekt do të provokoj për zhvendosjen e kufijve të mi. Pavarësisht nëse është teatral apo film. Unë jam i kënaqur me atë që kam arritur deri më tani. Për momentin ndjehem i pjekur për sfida shumë më të mëdha. Unë jam këtu për të parë nëse dikush ka guximin ta bëjë këtë dhe të njëjtën ta njohë tek unë. 
 
Farmacisti juaj: Ju keni një bukuri të jashtëzakonshme, por a planifikoni të plakeni si Meryl Streep? A është e mundur të shihet Jelena me një fytyrë dukshëm me botoks? A besoni se sapo të filloni me një korrigjim - nuk do të ketë fund? 
Jelena Jovanova:Faleminderit për komplimentin! Mësoj çdo ditë ta përqafoj atë që më është dhënë dhe ta ushqejë atë natyrshëm. Kam qenë e kapluar nga ideja se operacioni estetik ishte i domosdoshëm derisa nuk u zhyta thellë në atë që natyra dhe shpirti e ofrojnë si një zgjidhje për çdo problem. "Do të dëshiroja që të plakem me mençuri dhe të pranoj që koha lë gjurmë, por se këto gjurmë mund të jenë dëshmi për ekzistencën vetijake që është një bekim, dhe jo një barrë." E cila, po - mund dhe duhet të ushqehet natyrshëm, por nuk mohohet!

Farmacisti juaj: Sa arrini të merrni ushqim të shëndetshëm? A jeni duke ndjekur ndonjë program apo po ndiqni rregullat tuaja? Gatuani? 
Jelena Jovanova: Me profesion unë jam një person që merrem me emocione, pëlqen të vëzhgojë, të dëgjojë dhe të përgjigjet në mënyrë të duhur dhe të reagojë. Ndoshta kjo ma lehtëson momentin e "dëgjoni trupin tuaj dhe jepini atë që i duhet"! Asnjëherë nuk jam privuar nga asgjë ose, falë Zotit, kurrë nuk ka qenë e nevojshme të privohem nga diçka. Për nga natyra unë jam një llapës edhe pse pesha ime mund të mos bëjë një përshtypje të tillë. Më pëlqen të gatuaj dhe të provoj receta të ndryshme dhe të shijoj pasurinë e kuzhinave të ndryshme dhe sintezën e tyre. Frutat dhe perimet janë në menu çdo ditë, peshk të paktën një herë në javë, ashtu si mishi. Dita ime fillon me ujë të ngrohtë me limon dhe mjaltë, perime ose pulpë avokade ose pure. Rostiçeria gjithmonë përmban fruta, dreka është e larmishme me sallatë të freskët, ndërsa për darkë e di të qeras veten një gotë verë, djathë të mirë dhe proshutë. Kefiri dhe rrepka gjithashtu shpesh i zgjedh për darkë. Çelësi për një linjë të shëndetshme është që të kombinohen siç duhet ushqimi dhe besoj se është diçka që dikush mund ta mësojë. Zagrebi është akoma magjik për mua dhe më pëlqen të eci madje me orë të tëra. Në atë mënyrë, unë e mbaj veten fizikisht aktive, nëse nuk e jamë ndjerë se është ditë për vrapim ose joga.

Farmacisti juaj:A e lini ndonjëherë telefonin tuaj " pa zë"? Si e përjashtoni veten nga gjithçka?
Jelena Jovanova: Me Stjepanin mësova të fik celularin së paktën të dielën dhe ajo ditë të jetë shumë e JONA. Unë e dua lehtësinë e tij në marrjen e vendimit për të ndarë kohë për veten e tij dhe gëzohem që edhe unë jam duke u përmirësuar në këtë. "Kur shkojmë me pushime me burrin tim, gjithmonë mbajmë një telefon të vjetër Nokia me një numër të ri të cilin e dinë vetëm familja për raste urgjente. Në atë mënyrë, nuk dëgjojmë njoftime nga posta elektronike dhe mediat sociale ". Dita ka ritmin e vet që nuk diktohet nga kontrolli dhe obsesioni virtual. Nuk bëhem skllav i monetit që të gjithë duhet ta dinë dhe të shohin se ku jemi dhe si jemi. "Një libër i mirë dhe muzika mund t'ju largojnë nga bota e informacioneve të panevojshëm dhe t'ju çojë në një vend ku të mund të shijoni ëndrrat dhe vetë-njohjen tuaj!"
 
Farmacisti juaj:Çfarë mund të gjendet në farmacinë tuaj në shtëpi nga produktet natyrore dhe shtojcat ose suplementet? 
Jelena Jovanova: Aloe vera, sumbull, vajra esencialë natyral të kajsisë, avokado dhe bajame. Kur inxhizojmë për një kohë të gjatë, më duhen vitamina C shtesë, dhe në dimër lëkurë të shëndetshme dhe të zhdërvjellët, nëse ndjej nevojë, marr edhe vitaminën E. 


Farmacisti juaj:Jelena dhe sporti - sa shikoni dhe sa praktikoni sport? 
Jelena Jovanova: Unë shikoj futboll dhe tenis. Jam mësuar me këtë qysh si fëmijë me babin tim, me të cilin ende dimë se si të shkëmbejmë mendime rreth sportit. Vrapimi po bëhet gjithnjë e më shumë një sfidë dhe kënaqësi për mua dhe unë do të doja të provoja në garat maraton. 

Farmacisti juaj: "Jelena nga Prespav" ka një buzëqeshje të parezistueshme ngjitëse, a posedoni të njëjtën buzëqeshje në jetën reale? Çfarë mund t’ju bëjë të buzëqeshni më lehtë?
Jelena Jovanova: "Jelena nga Draçeva"ka trashëguar buzëqeshjen time private dhe ndjehem krenar me momentin kur personalisht do të dëshmoj sa ngjitëse është kjo". Më lehtë qeshë me çmenduritë e mia. Kështu edhe më lehtë i zgjidh problemet. 

Farmacisti juaj:Cila është formula juaj për shëndet të mirë dhe shpirt të hareshëm që do të ndani me lexuesit? 
Jelena Jovanova: Ta pranojmë veten dhe të punojmë për një "unë" më të mirë. Të pranojmë tjetrin dhe të kuptojmë, të mos gjykojmë, të rritemi shpirtërisht me gjërat që na bëjnë të lumtur dhe që na japin aspirata të shëndetshme. Të qeshemi më shpesh nga zemra, të jemi human dhe solidar. Le të kultivojmë empatinë dhe të ushqejmë të vërtetën. Nëse jemi të rrethuar nga e vërteta jonë, ne do të jemi në gjendje ta bartim kryqin tonë shumë më lehtë dhe besojmë. Besim për fillim dhe fund!
 
Çdo bimë sjell begati dhe përfitime në një mënyrë të caktuar. Atmosfera e bukur natyrore dhe disponimi i mbushur me energji, që na e japin bimët tona, janë të plota kur ne vetë i mbjellim dhe kujdesemi për to. Mundohuni të pasuroni hapësirën dhe jetën tuaj me këtë aktivitet joshës, dhe kjo do t'ju kthehet shumëfish.
 
Formula e provuar dhe e thjeshtë sipas së cilës  çdo shtëpi apo apartament bëhet shtëpi është kur hapësira zbukurohet me lule. Lulja e ndryshon ambientin, i jep shtëpisë një ndjenjë të gjallë dhe të ngrohtë, dhe ajo ndikon në gjendjen shpirtërore dhe në të gjithë ata që jetojnë në të. Kjo është veçanërisht e dukshme në ditët gri të dimrit të gjatë, kur ngjyra e luleve të shtëpisë dhe gjelbrimi i bimëve në shtëpi kujtojnë shpresën që sjellin ditët me diell. Për shumë njerëz, lulet janë një burim lumturie, njohuri e mbështetur nga provat shkencore. 
Çdo bimë sjell begati dhe përfitime në një mënyrë të caktuar. Atmosfera e bukur natyrore dhe disponimi i mbushur me energji, që na japin bimët tona, janë të plota kur ne vetë i mbjellim dhe kujdesemi për to. Mundohuni të pasuroni hapësirën dhe jetën tuaj me këtë aktivitet joshës, dhe kjo do t'ju kthehet shumëfish. Ju do të shpërbleni veten dhe të dashurit tuaj me diçka që sjell tregimin, atmosferën, erën, energjinë dhe bukurinë e vet.
Kujdesuni për gjethet e tyre dhe pëshpëritni atyre ndonjëherë ndonjë fjalë të këndshme. Falënderoni ata për bukurinë dhe jetën e tyre, kurse ata do të ndiejnë dashurinë dhe vëmendjen tuaj dhe do t'ju shpërbëjenë me bukuri, ajër të pastër dhe besim të pathyeshëm.
Këtu janë disa sugjerime për lulet që do të dekorojnë shtëpinë tuaj:

1. Kërpi i vjerës (lat.  Sansevieriatrifasciata"Laurentii") është një bimë me gjethe të drejta të zgjatura dhe të plota. Pastron ajrin nga benzeni, formaldehidi dhe trikloretileni. Kjo bimë nuk kërkon ndonjë mënyrë të veçantë për kultivimin e saj, ajo toleron mirë edhe diellin dhe hijen, dhe mund të vendoset pranë radiatorëve pasi vetë lulja nuk duron lagështi të tepërt. Përveç heqjes së toksinave nga hapësira, gjithashtu është e shkëlqyeshme edhe për dhomën e gjumit pasi prodhon oksigjen gjatë natës.

2. Luleshqerra e Transvalit është një lule që pastron hapësirën nga azoti, benzeni dhe formaldehidi. Kjo lule me ngjyrë të bukur thith komponimet e dëmshme që gjenden në tymin e cigareve. Ekzistojnë rreth 100 lloje të ndryshme të luleshqerrave të Transvalit, më së shpeshti të verdha, rozë, të kuqe, portokalli dhe të bardha. Luleshqerra e Transvalit nuk kërkon ndonjë kujdes të veçantë, i pëlqen vendet me diell dhe mund t'i durojë nxehtësisë. E tëra çfarë duhet të bëni është shpesh ta ujisish dhe ta lejosh ta zbukurojë hapësirën tënde.

3. Dracena (lat. Dracaena) është një bimë tropikale që ka origjinën e saj në Madagaskar. Ajo filtron shumë toksina, përfshirë edhe formaldehidin. Kjo bimë nuk duhet të ekspozohet ndaj dritës së drejtpërdrejtë, dhe poashtu nuk do të durojë as shumë ftohtë. Nëse kushtet janë të përshtatshme, dracena mund të arrijë një lartësi deri në 3 metra, kështu që duket se do të dekorojë shtëpinë tuaj me pamjen e saj të hollë.
 
4. Aloe - Shkatërrues i shumë komponimeve të dëmshme në ajër, duke përfshirë rrezatimin nga ekranet televizive dhe monitorët e kompjuterëve. Përveç kësaj, gjethet e aloes mund të përdoren gjithashtu për trajtimin e djegieve dhe përgatitjen e preparateve të ndryshme të dobishme për lëkurën. Një aloe arrin njësoj si 9 pastrues biologjik të ajrit në hapësirën e brendshme.
 
5. Bambusi-palma është një bimë tropikale dhe një nga pastruesit më të mirë të ajrit. Përsosmërisht filtron formaldehidin, triklorethilenin, ksilenin dhe toluenin. Nuk duhet të vendoset drejtpërdrejt në diell, por gjithsesi duhet t'i sigurohet dritë e mjaftueshme. Bukuria karakteristike e kësaj bime i detyrohet faktit që pamja e saj gjithmonë të kujton atmosferën e ngrohtë të verës.
 
6. Zambaku(lat.Spathiphyllum "Mauna Loa"  ) është një bimë shtëpie që ushqehet nga rrezatimi i dëmshëm, kështu që vendi ideal për vendosjen e saj është përkrah monitorit të TV ose kompjuterit. Thith benzenin, formaldehidin, trikloretilenin, amoniakun, ksilenin dhe toluenin, të cilat në sasi shumë të vogla mund të shkaktojnë pështjellje dhe lodhje. Duhet të keni kujdes me këtë spatifilum elegant, pasi lëngu i tij helmues në kontakt me lëkurën mund të shkaktojë acarim. Gjithashtu duhet të mbahet larg fëmijëve të vegjël dhe kafshëve shtëpiake, sepse nëse gëlltitet ndonjë pjesë e gjetheve të saj mund të shkaktojë dhimbje në stomak dhe vjellje.
 
7. Urthi (lat.  Hederahelixështë një bimë zvaritëse që rritet zakonisht nëpër shtëpi, por mund të rritet edhe si bimë shtëpie. Urthi heq 60 përqind të komponimeve të dëmshme në ajër brenda vetëm 6 orëve nga vendosja në hapësirë.
 
8. Fikusi (lat..  Ficuselastica)-është bimë me gjelbërim të përhershëm, dhe ka prjardhjen nga India. Për shkak të pamjes së saj tropikale, ajo do të dekorojë bukur shtëpinë dhe në të njëjtën kohë në mënyrë efektive largon monoksidin, formaldehidin dhe komponimet e tjera të dëmshme në ajër. Gjethet janë zakonisht të gjëra, jeshile të errët dhe me shkëlqim. Për të ruajtur shkëlqimin e tyre, ata duhet të jenë pa pluhur. Fikusi ka nevojë për pak dritë, ujitje të rregullt, por nuk thahet nëse e lini në hije edhe nëse anashkaloni ujitjen. Kini kujdes nëse keni fëmijë të vegjël ose kafshë shtëpiake, pasi gjethet mund të jenë helmuese.
Thonjëza shëron fluskat, domatja rigjeneron lëkurën
Thënia e vjetër se ilaçi mund të jetë "pesë para", por duhet të dihet se cili është ilaçi. Kurse për shumë dhimbje ose ndoshta për shumë gjendje të pakëndshme shëndetësore, ilaçi ose së paku lehtësimin e kemi në dorën tonë. Disa bimë që i përdorim për ushqim ose dekorim kanë disa veti shëruese "sekrete" dhe përdoren gjithashtu si ilaçe ose barna natyrore.

Gjethet e lakrës

Gjatë laktacionit dhe ushqyerjes me qumështin e gjirit, shumë gra pësojnë rrahje të dhimbshme të gjoksit. Zgjidhja për një shqetësim të tillë, që ndodh tek nënat me sisëdhënie, është mjaft e thjeshtë. Mjekësia popullore rekomandon një kompresë mjekuese që përdor gjethe më të mëdha lakre të cilat më parë duhet të pastrohen. Pjesët e forta hiqen nga gjethet dhe më pas shtypen pak me duar. Kjo metodë përdoret gjithashtu për mastitin dhe dhimbjet e gjoksit gjatë PMS. Komopresat e lakrës së gjirit janë një nga recetat më të vjetra popullore për pezmatimin e gjirit (mastitin). Kjo ndodh shpesh gjatë procesit të ushqyerjes me gji, kur kanalet e qumështit të nënës janë të mbyllura, gjë që mund të çojë në infeksion bakterial. Ky problem i nënave sisëdhënëse mund të jetë më i theksuar me ënjtje dhe dhimbje.
 

Thonjëza

 

Gjithçka që nevojitet për të përgatitur një recetë për largimin e fluskave, që zakonisht shfaqen në thembra, është një gjethe nga thonjza dhe një fashë ngjitëse. Merrni një fletë thonjëze dhe hiqni lëkurën e hollë nga njëra anë. Pastaj, gjethi pozicionohet vendi e sëmurë në mënyrë që faqja pa lëkurë të jetë drejtpërdrejt mbi pjesën e rritur të dalë (fluskën). Fasha ngjitëse ngjitet mbi gjethin dhe lihet të ndijojë tërë ditën, dhe  gjatë natës, kompresa ose mbështjellja e vjetër zëvendësohet me të re, të përgatitur në të njëjtën mënyrë. Këshillohet që ky ilaç të ndikojë gjatë natës, pasi këmbët atëherë janë pa këpucë dhe efekti është më i theksuar.
Për pak ditë fluska duhet të zhduket së bashku me rrënjën.
 

Domatja 

 

Domatja jeshile (mund të jetë edhe e pjekur, por jeshilja është më efektive) mund të përdoret për të nxjerrë gjemba ose qelb nga trupi. Është e nevojshme të vendosni një copë domate në zonën e prekur si një shtresë, dhe ta lini të veprojë brenda natës. Gjatë asaj kohe domatja do të nxjerrë të gjithë qelbin. Domatja ka aftësi të rigjenerojë lëkurën dhe të shtypë inflamacionin. Domatet janë të mbushura me antioksidantë, të cilët pengojnë inflamacionin në mënyrë natyrale. Ato janë të pasura me acide natyrale dhe shumë vitamina që ushqejnë lëkurën dhe shtypin rritjen e baktereve. Këto veti i bëjnë domatet gjithashtu të efektshme në trajtimin e akneve, si një sëmundje inflamatore e lëkurës që është e vështirë për tu trajtuar dhe kërkon kohë për të lehtësuar plotësisht simptomat. 
 

Qepa
Për shumë njerëz është e pashmangshme në ushqim, ndërsa të tjerët e shohin atë të papërshtatshme për konsum për shkak të momentit të ndërveprimit shoqëror. Ka situata kur qepa mund të shërbejë si ilaç. Këto janë disa nga rastet kur qepët mund të lehtësojnë disa probleme shëndetësore.- Për dhimbje koke, ënjtje, dhimbje në vesh, ftohje, pezmatim të syve, mund të vendosni qepë në grirë në vendet e prekura.


- Për ethe të larta, qepët e copëtuara vendosen në këmbë.
-Për gjakderdhje nga hunda, qepa e prerë vendoset në enët e gjakut të qafës.
-Në rastin e kafshimi nga ndonjë kafshë e egër, si ndërhyrje e parë rekomandohet të vendosni një kompresë me qepë të grirë.
-Për një fluskë në lëkurë ose një fluskë nën lëkurë, skuqni një qepë dhe përzieni me pak vaj ulliri, pastaj vendoseni në vendin e sëmurë dhe mbajeni për 1 ose 2 orë.

Farat e hithërit dhe mjalta 

Farat e hithërit përmbajnë vitamina C, B, D, E dhe K, por edhe hekur, kalium, kalcium, magnez, zink, mangan, bakër. Kombinimi i hithërit dhe mjaltit është një ilaç kryesor popullor për shumë sëmundje. Farat e hithërit kanë aktivitet antibakterial dhe antiviral, si dhe mjalta- i cili është një nga antibiotikët natyral. Shërimi dhe përfitimet nga mjalta janë njohur prej kohësh. Përveç vetive të tij mjeksor, mjalta është një konzervans i jashtëzakonshëm natyror, dhe pikërisht për shkak të aftësisë së tij përdoret në përgatitjen e preparateve të ndryshme në kombinim me një substancë tjetër për të zgjatur dhe ruajtur efektin për një periudhë të gjatë kohore. Farat e hithërit dhe mjalta përdoren më shpesh kundër anemisë, por edhe për të forcuar imunitetin. Fara e hithërit përdoret në formë të bluar. Gradualisht shtoni sasi më të vogla të farave dhe mjaltit në një kavanoz, përzieni të dy përbërësit, dhe më pas ruajini në një kavanoz qelqi për t’i ruajtur në frigorifer. Në këtë përzierje mund të shtoni edhe farën e lirit të grirë, bajamet e thërrmuar ose arrat. Përzierjen e përgatitur në këtë mënyrë rekomandohet ta përdorni çdo mëngjes, me një lugë gjelle në stomak bosh.
 
Si ta kapërceni lehtë gjendjen e bekuar
 
Ka shumë mite dhe alarme të rrejshme kur bëhet fjalë për shtatzëninë. Gratë shtatzëna duhet të jenë të informuara mirë për shëndetin e tyre, mundësitë që trupi ka në shtatzani dhe ushqimet që mund të konsumohen. Është e rëndësishme të jeni aktive gjatë shtatëzanisë për të qëndruar e aftë, të ulet stresi dhe gruja të përgatit për lindje.
 
Shtatzania mund të jetë një kohë shumë tërheqëse për shumicën e grave. Por disa gjithashtu ndjehen të shqetësuar për atë që duhet (ose nuk duhet të bëjnë) për fëmijën e tyre dhe shëndetin e foshnjës së tyre.  Duke u nisur nga aksioma se çdo grua është e ndryshme, atëherë ky ndryshim i tillë vjenë në shprehje në këtë gjendje të ndjeshme për çdo grua. Për disa gra, shtatzania nuk ndryshon dukshëm stilin e jetës së tyre, por për disa të tjera jeta ndryshon rrënjësisht.  Dhe diversitetit të tillë i shtohen pyetjet: çfarë lejohet, dhe çfarë nuk duhet të bëhet gjatë shtatëzanisë? Cilat rregulla duhet të ndiqen, dhe cilat jo?
Shumica e zakoneve, për fat të keq, shërbejnë vetëm për të prishur funksione të caktuara, inde ose sisteme organike në trupin tonë. Për të njëjtën arsye, shtatzania duhet të jetë një kohë kur një grua shtyrton se sa këto zakone janë potencialisht të dëmshme si për trupin e saj, ashtu edhe për fëmijën. Zakonet e vjetra në shtatzëni bëhen zakone të këqija që duhen prishur madje edhe "gjatë natës".
Këshillat për shtatzaninë mund të gjenden në shumë vende, por ato duhet të zbatohen me kujdes. Kështu që ne nënvizuam këshillat kryesore për gratë shtatzëna dhe i ndamë ato në disa kategori të rëndësishme.
Ushqyerja në shtatëzani
A lejohet gjithçka për të ngrënë gjatë shtatëzanisë? Është një nga pyetjet e para që nënat e ardhshmee parashtrojnë, megjithëse është e qartë se përgjigja është jo. Këshillat për dietën e grave shtatzëna duhet të fillojnë me thyerjen e mitit që gratë në këtë gjendje "duhet të hanë për dy". Kjo nuk është dëshmuar, dhe stërngrënia është e keqe si për nënën e ardhshme ashtu dhe fëmijën e saj. Sipas disa studimeve, ju duhen vetëm 300 deri 500 kalori shtesë në ditë. Gratë shtatzëna mund të fitojnë nga 8 deri në 12 kg, deri në 15 kg. Pesha totale e humbur gjatë lindjes është 5000-6000 gram.
Çfarë ushqimi duhet të shmangni gjatë shtatëzanisë?
- Sushi, domethënë çdo peshk i papërpunuar ose mish i papërpunuar, sepse ekziston rrezik nga prania e baktereve.
- Ushqim deti që përmban mërkur si ton.
- Vezë që nuk janë gatuar mirë sepse ato mund të përmbajnë baktere siç është salmonela.
- Djathra të rinj.
- Duhet shtuar që konsumimi i kafeinës dhe alkoolit duhet të shmanget me çdo kusht, madje edhe në sasi të vogla. Pirja e duhanit është gjithashtu e ndaluar rreptësisht gjatë shtatëzanisë.
 
Çfarë duhet të hani gjatë shtatëzanisë
Ajo që hahet gjatë shtatëzënësisë ndikon në energjinë dhe mirëqenien e gruas shtatzënë. Por gjithashtu, ushqyerja e një nëne mund të ndikojë drejtpërdrejt në shëndetin dhe zhvillimin e foshnjës së saj.Për shak të rritjes së nevojës së kalorive dhe materieve ushqyese është shumë e rëndësishme të zgjidhni ushqime të shëndetshme të pasura me lëndë ushqyese.
Fitimi i peshës gjatë shtatëzanisë është normale, por është e rëndësishme që kjo të bëhet në mënyrë të shëndetshme. Kjo është e dobishme për nënën, foshnjën dhe shëndetin e nënës pas shtatzënisë.
- Ushqime të bazuara në niseshte (të tilla si buka, drithërat, patatet, orizi dhe makaronat).
- Fruta dhe perime.
- Shumë fibra, të cilat mund të gjenden në bukën e grurit, si dhe në pemë dhe perime.
- Ushqime proteinike si mishi, peshku, mishi i pulës. 
- Produkte të qumështit si kos, qumësht dhe djathë.
Bishtaja - ky grup ushqimi përfshin thjerrëza, bizele, fasule, qiqra, sojë dhe kikirikë.
            Bishtajat janë burime të shkëlqyera bimore të fibrave, proteinave, hekurit, folatit (B9) dhe kalciumit - për të cilat trupi ka nevojë gjatë shtatëzënësisë.
- Patatet e ëmbla janë shumë të pasura me beta-karoten, një përbërës bimore që shndërrohet në vitaminë A në trup. Vitamina A është thelbësore për rritjen dhe diferencimin e shumicës së qelizave dhe indeve. Është shumë e rëndësishme për zhvillimin e shëndetshëm të fetusit.
- Salmoni, i cili është shumë i pasur me acide yndyrore thelbësore omega-3.
- Uji. Gjatë shtatëzanësë, vëllimi i gjakut rritet me 1.5 litra. Prandaj, është e rëndësishme të ruani hidratimin e duhur. Fetusi zakonisht merr gjithçka që ju nevojitet, por nëse nuk i kushtoni vëmendje marrjes së ujit, gruaja shtatzënë mund të dehidrohet.
 
Higjiena dhe kozmetika gjatë shtatëzanisë
Përveç ushqimit, gratë shtatzëna kanë nevojë për këshilla për higjenën dhe kozmetikën. Ka shumë dilema të pazgjidhura në këtë fushë. Për shembull, ka disa hulumtime që konfirmojnë se përdorimi i vajrave ose kremrave të caktuar do të shmangë streset.
Por, një këshillë e bazuara në më shumë përvoja është se nuk është e sigurt për gratë shtatzëna të lahen në ujë shumë të nxehtë. Në gjysmën e dytë të shtatëzanisë, larja në një vaskë shtëpie ose pishinë nuk lejohet për shkak të një mundësisë së shtuar të infeksionit ose plasjes së lëngut amnionik. 
Përgjigja e pyetjes "çfarë mund të bëhet në shtatëzani" përfshin ngjyrosjen e flokëve. Edhepse ngjyrat e flokëve përmbajnë një nivel të caktuar të kimikateve, ato nuk janë të dëmshme për fëmijën.Përbërja e kremrave të përdorur duhet të kontrollohet plotësisht. Nëse ato përmbajnë më shumë se 2 përqind acid salicilik atëherë është mirë që të shmangni këto produkte.
Jeta seksuale
Marrëdhënia nuk ka përse të jetë e vështirë, por është normale që partneri juaj të përshtatet në disa pozicione. Duhet theksuar se fetusi është shumë i mbrojtur dhe marrëdhënia seksuale në shumicën e rasteve nuk ka asnjë efekt tek foshnja. Sidoqoftë, nuk është keq të këshilloheni me një mjek përpara se të vendosni të kryeni marrëdhënie seksuale gjatë shtatëzanisë.

Të njohura, megjithatë disi të pazbuluara, vendet historike maqedonase si dhe bukuritë natyrore gjithmonë paraqesin një sfidë për hulumtime reportazhe. Kurioziteti për zbulime të reja, dëshira për të përvetësuar vazhdimisht njohuri të reja dhe për të rifreskuar njohuritë për diçka të njohur, shpesh janë disa nga parakushtet për shëndet të mirë mendor dhe fizik. Reportazhet, nga ana tjetër, inkurajojnë udhëtimin, eksplorimin dhe përvetësimin e njohurive të reja dhe mund të jenë një motiv i mirë për aktivizimin e dëshirës për përparim të vazhdueshëm që e çon shpirtin njerëzor përpara. Kjo është arsyeja përse "Farmacisti juaj" paraqet disa site të famshme në Maqedoni, si një sfidë për t'i zbuluar në mënyrën tuaj. 

Nëse keni lexuar reportazhën e Plus Pharma duhet të keni vizituar barnatoret me logon Plus Pharma, të cilat gjithmonë do të jenë miqtë tuaj besnikë për ruajtjen e shëndetit tuaj.

 

 

Heraclea Lyncestis (Heraklea Linkestis)

 
Heraklea Linkestis është një nga qytetet më të rëndësishëm antike në Maqedoni. Qyteti ka ekzistuar për më shumë se një milenium. Ai u themelua ka mesi i shek, IV para e.r. nga Filip II i Maqedonisë si një pikë e rëndësishme strategjike. Heraclea Lyncestis (Heraklea Lincestis) ndodhet në periferinë jugor të qytetit të Manastirit, rrëzë malit Baba. Mban emrin sipas Heraklea, heroit mitik dhe paraardhësit të dinastisë mbretërore maqedonase Argeadit. Epiteti Lyncestis(Linkestis)që do të thotë " linkestike" vjen nga emri i qytetit të Linkestida në të cilin jetonte fisi antik maqedonas Linkestidët. Ndodhet në një rrafshinë pjellore, e mbrojtur në veri nga Mali Baba, dmth kodra Tumbe Kafe dhe lumi Uji i Hirtë në jug.                        

Themeluar nga mbreti maqedonas Filip II i Maqedonisë, qyteti u zhvillua si një qendër ushtarako-strategjike në kufirin veriperëndimor të rrajonit të atëhershëm maqedonas Linkestida (sot fusha e Manastirit). Qyteti u ndërtua, u rindërtua, u rrënua, u rindërtua dhe u mbindërtua që nga koha e krijimit të tij në epokën e vonë të bronzit, dhe më pas në periudhat heleniste, romake dhe bizantine të hershme ... Kishte statusin e një qyteti me një shkallë të lartë civilizimi. Në shek. II para e. r. kur Maqedonia u bë një provincë romake, Heraklea u bë një qendër e fortë ekonomike dhe politike me përfaqsuesin e saj të përhershëm romak dhe ushtri romake. Zona arkeologjike e Heraklea Linkestis në Manastir është shpallur një trashëgimi kulturore me rëndësi të madhe. Tërësia monumentale është një dëshmi me rëndësi për arkeologjinë dhe kulturën e kohërave antike.

 

Kullat e Markos

Në veriperëndim të qytetit të Prilepit, në pjesën veriore mbi Varosh, ngrihen Kullat e Markos, një nga qytetet-fortesat më piktoreske mesjetare në Maqedoni. Prilepi ka qenë gjithmonë një fole e sundimtarëve maqedonas, një qytet i përkushtuar ndaj kulturës dhe traditës së tij, legjendave dhe heronjëve të tij. Lokaliteti i njohur për vendasit si Kulla e Markos është plot surpriza, të pranosh sfidën e vizitës është si të udhëtosh në kohë. Kulla e Markos, si kujdestar dhe mbrojtës i përjetshëm, ngrihet mbi qytetin e Prilepit, kalaja ose fortesa e Kullave të Markos është në të vërtetë qyteti i dikurshëm mesjetar i sundimtarit legjendar Krale Marko, i biri i mbretit Volkashin. Ai është sundimtari i fundit që sundoi shumicën e Maqedonisë para sundimit shekullor të Osmanëve. 

Kalaja shtrihet në një kodër me origjinë vullkanike, në një lartësi prej 120 deri 180 metrash, e begatshme me shkëmbinj shumë të pazakontë, secili prej të cilëve ka emrin e vet për banorët e saj. Zona daton që nga lagja e hershme antike Keramija (emri i vjetër i Prilepit). Një nga pjesët më të habitshme të Kullave të Markos është i ashtuquajturat Elefanti, në të vërtetë i përbërë nga dy shkëmbinj të bashkuar natyrshëm. Elefanti është 8 metra i lartë dhe Prilep duke si në pëllëmbë të dorës. Kullat e Markos janë një kryevepër e natyrës. Kullat e Markos kanë shumë më tepër sekrete dhe mistere që ende nuk janë zbuluar dhe e bëjnë këtë vend edhe më tërheqës dhe më mbreslënës. Nga Kullat e Markos mund të dëgjohet, shikohet, ndjehet dhe përjetohet civilizimi dhe historia kulturore maqedonase.

Nëse keni lexuar reportazhin e Plus Pharma duhet të keni vizituar barnatoret me logon Plus Pharma, të cilat gjithmonë do të jenë miqtë tuaj besnikë në ruajtjen e shëndetit tuaj.

 
 
 
Tendencat e modës së veshjes për këtë dimër do të kombinojnë rehati dhe prakticitet, por gjithashtu i lëvizin gjërat në një stil të caktuar, duke ju dhënë mundësi që ta paraqisni personalitetin tuaj në dritën më të mirë të mundshme.
 
Nga pikëpamja e shek. XXI, kur mënyra e veshjes drejtpërdrejt ose tërthorazi diktohet nga industria e modës, madje tingëllon e pabesueshme që fillimisht veshja ishte krijuar për t'u shërbyer nevojave të njerëzve. Sigurisht, që nga koha kur veshja ishte krijuar për të mbrojtur njeriun nga kushtet e jashtme dhe për ta ndihmuar atë të mbijetojë në ndryshimet ciklike të natyrës, gjërat kanë ndryshuar shumë, kështu që moda sot mund të shprehë shumë gjëra të tjera –nga statusi shoqëror, afinitetet artistike, madje mund të artikulojë edhe mesazhe politike. Sidoqoftë, moda dhe veshjet vazhdojnë të përshtaten me sezonin dhe kushtet e motit. Madje edhe koleksionet e modës janë të dizajnuara për stinët - pranverë / verë dhe vjeshtë / dimër. 
Me ardhjen e dimrit dhe ditëve të ftohta me shi, lindin menjëherë mijëra pyetje se si të kombinohen veshjet më të ngrohta dhe ta përshtasim atë me muajt në vazhdim. Që pjesët e veshjeve që tashmë i kemi të bëhe më praktike, duhet t'i hedhim një vështrim se çfarë rekomandojnë këshillat e modës botërore dhe sa mund të aplikojmë prej tyre.
Tendencat e modës së veshjes për këtë dimër do të kombinojnë rehati dhe prakticitet, por gjithashtu i lëvizin gjërat në një stil të caktuar, duke ju lejuar që ta paraqisni personalitetin tuaj në mënyrën më të mirë të mundshme. Gruaja moderne nuk qëndron kurrë në një vend: ajo vazhdimisht mahnit me veshjen e saj ekstravagante, spektakolare dhe origjinale. Dhe kjo nuk ka të bëj vetëm me këpucët dhe veshjet, por edhe për aksesorët. Në fund të fundit, çdo grua dëshiron të shkëlqej, të jetë elegante, moderne dhe e përsosur. Aksesorët femëror romantik, të sofistikuar dhe të guximshëm japin gjithmonë një bukuri të veçantë dhe vulë personale. 
Rekomandohen kombinime të forta që lejojnë të gjithëçka: nga lëkura dhe leshi artificial deri te pëlhurat me katëror dhe ato të dizajnuara me leopard ose pumë. Sigurisht, me një veshje kaq laramane dhe të guximshme, duhet të siguroheni që ajo të jetë e rehatshme dhe e përshtatshme për rastin.
Ajo që duhet të siguroni me kohë janë çizmet e rehatshme me së paku dy ngjyra dhe dy stile të ndryshme, kështu që do të mund t'i kombinoni ato në raste të shumta. Veshja është një zgjedhje personale, dhe mundësitë janë të larmishme dhe të shumta, kështu që dëgjoni disa këshilla dhe bëni stilin tuaj edhe për këtë sezon dimri.


Ngjyra e sezonit - koral i bardhë i mbyllur
Toni i ngjyrës, i errët, por sërish jo i komplikuar, në industri njihet si PANTEON P115-1. gjejgësisht ngjyra e koralit të bardhë të mbyllur asocion me modën e ndonjë periudhe më të thjeshtë. Nuanca subtile neo-ofanzive paraqet një kujtesë të ashpër se sa çuditërisht ndryshojnë gjërat, me një shkallë graduale qetësuese që forcon ndjenjën e pashmangshmërisë së kohës. Përfaqëson shkrirjen e jetës moderne me botën natyrore, ndërsa forcon linjën midis shpresës dhe dëshpërimit, PANTEON P115-1 U, ngjyra e koralit të bardhë shtron pyetjen e kahmotshme - ku shkuan gjërat keq?
 

rreth nesh

Shëndeti nuk është vetëm mungesë e sëmundjes, shëndeti është mirëqenie e plotë psiqike, fizike dhe emcionale. Misioni ynë do të jet i tillë. Me anë të këshillave të thjeshta dhe të shkurta dhe me përmbatje të cilat me shumë kujdes janë zgjedhur, ne ju ofrojmë të dhëna praktike të zbatueshme për përmirësimin e cilësisë së jetës në përgjithësi.

Ndiqni ne në Facebook

Newsletter

Shkruani e-mailin