Distancat janë të vështira për trupin dhe mendjen, por efektet pozitive ia vlejnë për çdo sakrificë!
 

Në vijën e fillimit
A jeni nervoz dhe i stresuar? Bisedoni me veten tuaj me qetësi që ta bëni trurin tuaj të përqendrohet. Çdo përpjekje e detyruar për t'u çlodhur do të stimulojë sekretimin e hormoneve të stresit, gjë që rrit shanset për një fillim të shpejtë dhe irracional. Ndërsa afrohet fillimi i garës, rrahjet e zemrës dhe frymëmarrja përshpejtohen. Rritja e adrenalinës do të stimulojë rrjedhjen e gjakut në muskuj, duke përgatitur kështu trupin për misionin. 

Gjatë vrapimit
Në 2-3 minutat e para, trupi konsumon karburantin e quajtur glikogjen (rezerva energjie në muskuj). Sapo kjo të konsumohet, trupi fillon të përdorë karbohidrate të ruajtura dhe lëndë të tjera ushqyese. Për këto arsye, është plotësisht e ligjshme të mbushni trupin tuaj me karbohidrate 2 ditë para garës. Gjatë garës, muskujt aktivë kërkojnë 50 herë më shumë oksigjen dhe lëndë ushqyese, duke siguruar në mënyrë plotësuese gjakun që u nevojitet në qetësi. Kjo është shenj që ju duhet të merrni frymë edhe më shpejt dhe më thellë.

E kapët ritmin
Ndërsa temperatura e trupit tuaj rritet, aktivizohet edhe sistemi juaj natyror i ftohjes, i cili ju mbron nga mbinxehja. Në ditët e nxehta dhe të lagështa, një person mund të nxjerrë pothuajse 4 litra djersë, kështu që mos shmangni stacionet e ujit. Këshillohet të pini 200 deri 300 ml ujë çdo 10 deri në 20 minuta. Për shkak se puna e muskujve është detyrë parësore, gjaku tërhiqet nga sistemi i tretjes, duke e ngadalësuar atë. Por për një garë më të gjatë se 1 orë nevojitet rimbushje. Pije sportive ose xhel me një përqindje të lartë të glukozës janë një zgjedhje e shkëlqyeshme, çokollatat sportive mbajnë rrezikun e ngërçeve.

Kilometrat e fundit
Ruani një ritëm të rehatshëm (duhet të jeni në gjendje të flisni pa mbytje). Në këtë mënyrë do të shmangni ngërçet e muskujve dhe atë ndjenjë të këmbëve të rënda si plumbi. Në rast se ju mbizotëron rëndë lodhja, pini menjëherë një xhel ose pije tjetër energjike për të rivendosur nivelet e glukozës dhe për të përfunduar garën. Përqendrimi në lodhje bën që muskujt e lodhur të lodhen edhe më shumë. Shpërqendroni veten me një detyrë mendore për të harruar dhimbjen. Kur qëllimi është tashmë brenda mundësive, jepni gjithçka që keni. Metabolizmi anaerobik do të aktivizohet duke rritur kapacitetin e muskujve që të arrijnë në energjinë e tyre të ruajtur. Kjo energji është thelbësore që muskujt të përshpejtojnë ritmin.

Të nesërmen
Dëmtimet e vogla dhe fijet e ndezura të muskujve do të shkaktojnë dhimbje. Analgjetiku do ta qetësojë atë, por nuk do të shpejtojë shërimin e dhimbjes, i cili fillon 72 orë pas garës. Deri atëherë, shijojeni ushqimin pa u ndier fajtor. Sapo keni djegur një ton kalori dhe metabolizmi juaj do të funksionojë deri në 48 orë. Kujtojani vetes suksesin tuaj herë pas here, sepse do të rrisë vetëbesimin, të menduarit dhe do të përmirësojë aftësinë tuaj për të përballuar më lehtë streset e përditshme. 
 

Stërvitja me intensitet të lartë Stërvitja me intensitet të ulët
80% është ritmi maksimal i zemrës që duhet të arrini në mënyrë që stërvitja ose ushtrimi të numërohet në kategorinë e stërvitjes me intensitet të lartë. 

VS

65% është ritmi maksimal i zemrës që duhet të synoni gjatë stërvitjes me intensitet të ulët për të arritur në pikën e shkrirjes së dhjamit.
 
Gjatë stërvitjeve intensive dhe anaerobe, muskujt që forcohen shpejt janë ata që bëjnë të gjithë punën. Ju duhet t'i angazhoni pikërisht ata muskuj për të fituar fuqi dhe forcë. 
 
 
 
 

Çfarë thotë shkenca?

 
Stërvitja me intensitet të ulët përfshin çdo formë kardio që ju mban në një ritëm të qëndrueshëm. Muskujt të cilët ngadalë shtrëngohen, furnizohen me energji vetvetiu, kështu që stërvitjet mund të zgjasin më shumë.

 
 
Metabolizmi vazhdon të djegë kalori pas një seance stërvitjeje. Një stërvitje me intensitet të lartë në ditë është e mjaftueshme për të djegur 5% të shtresave të yndyrës për 45 ditë.
 
 
 
 

Të mirat në to

 
Seancat e rregullta kardio forcojnë zemrën dhe mushkëritë dhe ju bëjnë më elastik. Një studim i vitit 2013 zbuloi se një qasje më pak agresive ndaj stërvitjes çon në suksesin afatgjatë.

 
 
Meqenëse nga njerëzit kërkohet të japin më të mirën e tyre, fillestarët e konsiderojnë këtë lloj stërvitjeje jashtëzakonisht të vështirë. Rreziku i dëmtimit është i lartë, veçanërisht nëse keqvlerësoni kapacitetin tuaj. 
 
 
 

E keqja në to

 
Nëse nuk jeni adhurues i stërvitjes me intensitet të ulët, mund të duket si një detyrim. Kërkimet nga Universiteti i Floridës zbuluan se ata që ndryshojnë stërvitjet e tyre kënaqen me stërvitjen 45% më shumë se ata që stërviten rregullisht.

 
 
Një meze me proporcion 1: 3 me karbohidrate dhe proteina brenda 30 minutave pas mbarimit të stërvitjes, është e shkëlqyeshme për rimbushjen e rezervave të energjisë dhe rikuperimit. 
 
 

Vlera ushqyese

 
Të uritur apo të ngopur? Sipas një studimi, nëse stërviteni me stomak bosh do të digjni 20% më shumë yndyrë. Plus, vakti është shumë më i shijshëm pas stërvitjeve.

 
 
Stërvitja me intensitet të lartë stimulon prodhimin e hormoneve të rritjes, testosteronit për rritjen e muskujve dhe endorfinave dhe adrenalinës që do t'ju ndihmojnë të mbani ritmin tuaj. Përmirëson aftësinë e trupit për të përdorur yndyrën si burim energjie. 
 
 

Mendimi i ekspertit

 
Për shkak se nuk është aq mizor me trupin, stërvitja me intensitet të ulët është një mënyrë e shkëlqyeshme për të qëndruar aktiv dhe për të djegur dhjamin gjatë shërimit. Por nëse mbështeteni vetëm në të, mbani në mend se trupi përshtatet shpejt me lëvizjet dhe ritmin e tyre, kështu që efektet janë të kufizuara.

 
 
 
 

Stërvitja me intensitet të lartë është për fitimtarët!
Djegia e dhjamit bëhet në ingranazhin e pestë për një kohë shumë të shkurtër. Po, të nesërmen gjithçka do t'ju dhemb, por këtu po flasim për djersitje të vërtetë. 
 

Një ide për socializim të shtunave që do të forcojë trupin tuaj dhe do të pastrojë mendjen tuaj
 

Të shoqëruarit me natyrën është terapia më e mirë që nuk do t'ju kushtojë asnjë qindarkë, dhe gjithçka që ju nevojitet janë dy këmbët tuaja dhe pak kohë e lirë. Të paktën një herë në javë, zëvendësoni rrëmujën e qytetit me një botë malore të qetë dhe paqësore. Diçka me të vërtetë magjike ndodh kur një person ndërron mënyrën e tij të të jetuarit. Mendja hesht. Frymëmarrja thellohet. Shtypja e gjakut bie. Shfaqet qetësia dhe lumturi, të shoqëruara nga një valë e madhe e energjisë. Kjo është bukuria e kalimit të kohës së lirë në male, me familjen ose vetëm. Mirëmbajtja e aftësisë fizike është edhe një përfitim tjetër shoqërues.
Prandaj, nuk është për t'u habitur që alpinizmi është sporti më i popullarizuar në natyrë midis njerëzve të moshës 25 deri në 30 vjeç. Nëse e shikojmë si një ushtrim fitnesi, atëherë përfitimet janë të shumta - këmbë, ije, vithe, shpinë të përforcuara, kalori të djegura (Mirupafshim osteoporozë!). Lista e përfitimeve është po aq e gjatë edhe në raport me shëndetin mendor - rritje e kreativitetit, aftësi të përmirësuara për zgjidhjen e problemeve, ankth i zvogëluar dhe rritje e ndjenjës së lumturisë, dy herë më shumë sesa sportet në ambiente të mbyllura, kanë konfirmuar shkencëtarët australianë. Ecja e rregullt rekreative zvogëlon rrezikun e depresionit!
Nëse për ndonjë arsye po e shmangni këtë aktivitet, është koha ta provoni. Harrojeni investimin në çfarëdo pajisje të shtrenjta, ngjitja në Vodno ka nënkuptuar gjithmonë rroba të lehta dhe të rehatshme, atlete të shëndetshme, një shishe ujë, pak ushqim dhe shumë entuziazëm.

E shtuna në mal - 3 këshilla kryesore
Lartësia 
Filloni me lartësitë më të ulëta. Ajo që mund të ndryshojë mendjen tuaj në gjysmë të rrugës është pjerrësia, për shkak të së cilës zemra juaj do të fillojë të rrahë më shpejt, kështu që mund të mos ngopeni me ajër dhe të kapëloheni nga paniku. Shtegu që do të ngjitni duhet të jetë më i shkurtër se rruga e sheshtë që e ecni pa ndonjë problem.
Itinerari
Përcaktoni qëllimin përfundimtar sepse kjo është çelësi për ngjitjen e sigurt dhe të qetë. Mos shkoni në distanca të papërcaktuara, pasi çdo ndryshim i tillë si perëndimi i diellit ose mungesa e ujit të pijshëm mund t'ju nxjerrë nga shinat. Shqyrtoni aftësitë tuaja dhe mos harroni se ato që e keni ngjitur duhet gjithashtu ta zbritni. 
Lloji i shtegut
Cilin shteg do të ndiqni, shtegun e shënuar ose  atë që populli e njeh si "shteg thie"? Ka një dallim të madh mes tyre, shtigjet e shënuara janë të pastra, të sigurta dhe plus ato ofrojnë një vend për pushim. Shtigjet e dhive janë të papastra, mund t'ju duhet të kapërceni pemët e rëna, dhe duke pasur parasysh se janë shumë të ngjashme me njëra-tjetrën ka më shumë të ngjarë të humbni.  
 
 
 
Çfarë të marrësh me vete?
Mos harroni, sa më e ulët të jetë ngarkesa, aq më lehtë ngjiteni!
Shprisha të zgjuara
Ekspertët rekomandojnë produkte të konservuara si proshutë ose kaçkavall i tymosur, sepse ato i qëndrojnë temperaturave më të larta dhe nuk do të zhvillojnë baktere. Kombinojini ato me perime të pasura me ujë si kastraveci. Për energji të menjëhershme keni  fruta të thata, proteina ose drithëra dhe bërthama (kokrra) pemësh. 
Ujë
Duhet të pini më shpesh dhe më pak. Çdo lëng tjetër nuk është një opsion i mirë, pasi vetëm do t’ju shuajë etjen.
Batanije
Merrni me vete edhe në ditët më të nxehta, sepse do të jetë e dobishme për pushim dhe piknik. Shamitë prej letre janë një zëvendësues i shkëlqyeshëm i peshqirit, por me kusht që t’i marrësh të përdorurat përsëri me vete që të mos ndotet mjedisi.
Mbrojtje nga dielli
Kapelë, syze, faktor SPF - zgjedhja është e juaja, por mos u mbështetni në hijet e pemëve. 
Celular
Para se të dilni nga shtëpia, kontrolloni baterinë, sepse celularët inteligjentë do t'ju shërbejnë në rast të aksidenteve të mundshme. 
 
Mënyra efektive dhe e shëndetshme e ndërtimit të muskujve nënkupton një sasi të mjaftueshme kalorish, programë stërvitore dhe, natyrisht, proteina - luajnë një rol kryesor sepse ato sigurojnë lëndët e para të nevojshme për rimëkëmbje të muskujve, por edhe për rritjen e muskujve të rinj. A ka rëndësi nëse proteinat janë me origjinë shtazore apo bimore?
Rezultatet e studimi të vitit 2017 thonë se kur bëhet fjalë për masën muskulore - sasinë e muskujve në trup - proteinat bimore janë po aq të mira sa proteinat shtazore. Studiuesit vëzhguan se si burimi i zgjedhur i proteinave ndikon në masën muskulore të subjekteve. Nuk është për t'u habitur, ata me marrjen më të lartë të proteinave kishin më shumë masë muskulore. Por nuk kishte asnjë lidhje midis masës muskulore dhe llojit të proteinave të marra. Për të ruajtur masën muskulore, djathi tofu, soja dhe thjerrëzat janë të mjaftueshme për sa kohë që i konsumoni në sasi të mjaftueshme. 
Por çfarë lidhje me shtimin e muskujve? Hulutimet (të bëra te meshkujt) kanë zbuluar se proteinat shtazore, të tilla si hirra, janë shumë më efektive në ndërtimin e muskujve (pas stërvitjes me pesha) sesa proteinat bimore siç është soja. Arsyeja? Proteinat shtazore përmbajnë më shumë leucinë - një njësi ndërtimi i proteinave që nxit rritjen e muskujve. Proteinat shtazore sigurojnë 8 -11% leucinë, ndërsa proteinat bimore vetëm 6-8%. 
Por nëse merrni leucinë të mjaftueshme nga një burim proteine bimore (2-3 g pas stërvitjes) lirshëm mund t'u kundërpërgjigjeni burimeve shtazore. Për shembull, ju duhet të hani 200 g thjerrëza për të marrë 2.5 g leucinë të dëshiruar. Një strategji e mirë është të konsumoni 2 ose 3 proteina bimore në ditë. 

1.2-2 g është sasia e proteinave për çdo kilogram të peshës trupore që duhet të konsumoni për të fituar muskuj.
 

Teoria prapa këtij lloji të trajnimi premton rezultate maksimale në një kohë minimale, por çfarë ndodh saktësisht në trup gjatë një seance TSHII?
 
1 Ushtrohuni intensivisht në intervale të shkurtra
Çelësi qëndron në vet titullin. Ushtrimi duhet të jetë me intensitet maksimal për të pasur një efekt. Është e nevojshme të bësh përpjekje 90-100% brenda 15-30 minutave", thotë terapisti sportiv Barry Sigrist. "Me ushtrimin anaerobik (pa oksigjen si lëndë djegëse), trupi do të prodhojë acid laktik i cili do të stimulojë çlirimin e adrenalinës, e cila do të ndihmojë në shkrirjen e dhjamit në trup."
 
2 Domosdoshmërisht pushoni
Pushimi është po aq i dëshirueshëm sa përsëritja. Po, seriozisht! "Shkalla ideale për një seancë stërvitore 20-minutëshe do të ishte: 30 sekonda ushtrim, 60 sekonda pushim. "Pushimi më i gjatë mund të duket si mashtrim, por muskujt kanë nevojë për kohë për të rimarrë nivelet e oksigjenit dhe glikogjenit," thotë Sigris. "Nëse pushimi është shumë i shkurtër, trupi do të bëhet katabolik dhe indet muskulore do të prishen".
 
3 Mos i kushtoni vëmendje djersitjes
Ushtrimet dhe djersitja shkojnë dorë për dore, duam apo jo. Pavarsisht se nuk ju pëlqen fakti që po ju derdhin pika djerse në trup, mos vraponi pas peshqirit. "Që trupi të ftohet përmes djersës, është e nevojshme që nxehtësia të avullojë përmes lëkurës, por fshirja e djersës vetëm do të inkurajojë djersitje shtesë", shpjegon Dr. John Dickinson, profesor i edukimit fizik në Universitetin e Kentit. 
 
4 Përshpejtoni rritjen e muskujve
SSHII është një lloj ushtrimi anaerob në të cilin trupi përdor glukogjenin si lëndë djegëse, jo yndyrën. Por ky është gjithashtu një lajm i mirë në rast se doni të humbni peshë. "SSHII stimulon sekretimin e hormonit të rritjes dhe testosteronit - që të dy luajnë një rol kryesor në metabolizmin e yndyrës," shpjegon Sigrist. Për rezultate maksimale dhe ndërtimin e përshpejtuar të muskujve, detyroni hormonet të arrijnë maksimumin duke përfshirë ushtrime komplekse në sesion siç janë uljet galiç dhe pompat.
 
5 Digjni kalori edhe pas stërvitjes
Dhe ndërsa bëni një dush ose përgatisni vaktin tuaj proteinik pas një stërvitje, trupi juaj ende djeg kalori. "Magjia në SSHII ndodh pas trajnimit ose stërvitjes", thotë Sigrist. "Gjatë trajnimit anaerobe, kërkesa e trupit për oksigjen tejkalon furnizimin, kështu që trupi përballet me një mungesë oksigjeni që duhet të shlyej." Ta themi thjesht, trupi djeg kalori për orë të tëra pas  stërvitjes. Për të rritur këtë efekt, thjesht duhet të qëndroni aktiv. Prandaj, është më mirë të praktikoni SSHII në mëngjes, para se të filloni përgjegjësitë tuaja aktuale.
 
 
 
Shumë njerëz mendojnë se vrapimi dhe stërvitja me pesha nuk duhet të kombinohen, sepse vrapimi (i cili është një ushtrim kardio) do të djegë muskujt e fituar me vështirësi. Por praktika thotë se kjo aleancë është e shkëlqyeshme për të përmirësuar kapacitetin kardio, por edhe forcën dhe qëndrueshmërinë e muskujve. Nëse përqendroheni vetëm në vrapim dhe nuk rimbushni nivelet e energjisë përmes ushqimit ose trajnimit plotësues, sigurisht që do të digjni të gjithë dhjamin dhe muskujt. Por nëse përfshini pesha në vrapimin tuaj, atëherë rezultati është krejt i kundërt. Kërkimet tregojnë se ushtrimet aerobike, si vrapimi në distanca të gjata, e bëjnë stërvitjen me pesha më efektive. Si? Stërvitja e qëndrueshmërisë me intensitet të ulët (të tilla si vrapimi me një ritëm normal) ndihmon në ndërtimin e kapacitetit aerobik të atyre qelizave muskulore në të cilat mbështetemi për forcë dhe fuqi. Ata gjithashtu stimulojnë qarkullimin, i cili ndihmon trupin të rikuperohet nga stërvitja intensive me peshë, dhe madje zvogëlon dhimbjen e muskujve. Nëse e kthejmë monedhën përmbys, forcimi dhe rritja e muskujve, për ata që pëlqejnë të vrapojnë, do të thotë: zvogëlim i rrezikut nga lëndimi, për shkak të indeve lidhëse dhe muskujve të shtrënguar dhe rritje të kapacitetit për vrapim më të shpejtë falë koordinimit dhe fuqisë neuromuskulare të përmirësuar. Por ndërtimi i muskujve është praktikisht i pamundur pa një dietë të duhur me proteina. Sigurohuni që të merrni kaloritë që ju nevojiten nga vaktet e sapo përgatitura dhe të ekuilibruara, përndryshe ju do të dobësoheni nga kombinimi i vrapimit dhe stërvitjes me peshë. Vrapimi nuk duhet të shihet si një "opsion i lehtë" për t'u kthyer në gjendje të mirë. Në fakt, shumë ekspertë thonë se besimi "vrapoj të jem me trup të përshtatshëm" në praktikë thotë: "duhet të jem me trup të përshtatshëm që të mund të vrapoj". 
  • Mbani kokën dhe qafën në një pozicion neutral.
  • Supet shtyni prapa dhe tatëpjetë, kurse bërrylin mbledhur.
  • Mbani shpinën drejt dhe shtyllën kurrizore drejt.
  • Mbani pjesën e sipërme të krahut të qëndrueshëm, jo të varur. 
 

Vuani për duar të definuara? Aktivizoni tricepset (muskujt trikrerësh)!
Të keni muskuj dhe gjymtyrë të sipërme të theksuara dukshëm, të cilat me krenari mund t’i ekspozoni kërkon shumë më tepër sesa thjesht ngritjen e peshave dhe përqendrimin te bicepset. Tricepsët (ose muskujt trikrerësh) përbëhen nga 3 komponente që përbëjnë pjesën më të madhe të krahut të sipërm, ndërsa bicepsin e përbëjnë vetëm 2. Një triceps i fortë nuk është i këndshëm vetëm për syrin, por do t'ju sjellë një numër përfitimesh - do të jeni të qëndrueshëm në kryerjen e pompave dhe një sërë stërvitjesh të tjera që përfshijnë qëndrimin në këmbë. 
Stërvitja e tricepsit me peshë është individual, sepse pjesa tjetër e trupit është në qetësi, gjë që e bën atë të shkëlqyeshëm në rast se lëndoheni ose dëshironi të pushoni këmbët. Ndërsa shtrini krahun mbrapa, mbajini bërrylat afër trungut për të aktivizuar plotësisht tricepsin tuaj, përndryshe ngarkesa do të bjerë përsëri në bicepsin tuaj. Rreziku i dëmtimit të bërrylit ose kyçit rritet nëse filloni përnjëherë me një peshë të rëndë, filloni të ushtroni pa nxehje ose nëse e bëni atë gabimisht. Sigurohuni që të filloni me një peshë më të lehtë, pasi ushtrimi është më i rëndë nga sa duket. 

SHMANGNI:
Nëse keni ndonjë dëmtim në pjesën e sipërme të trupit - krahët, shpinën ose shtyllën kurrizore.
 
Me çfarë pesha të stërvitemi?
Çdo person është i ndryshëm dhe prandaj gjykojeni vetë se sa peshë mund të mbani. Këto janë udhëzime të përgjithshme me të cilat është mirë të fillohet...
1 NESE JENI FILLESTAR
Filloni me një peshë prej 1 deri në 4 kg maksimum dhe kryeni stërvitjen ose ushtrimin ngadalë. Kryeni 10 deri në 12 përsëritje me secilën dorë.
2 NËSE DËSHIRONI DEFINICION
Kryeni atë 15 deri në 20 herë, për secilin dorë. Nëse nuk ndiheni të lodhur deri në 20, shtoni peshën. 
3 NËSE DËSHIRONI MUSKUJ
Kryeni ushtrimin/stërvitjen 4 herë në javë. Synoni për 13 deri në 14 përsëritje. Sapo ngarkesa të bëhet e lehtë, kaloni në një peshë më të rëndë. 

+ STËRVITJE 
Shtrirja e tricepsit dhe qëndrimi galiç
Qëndroni me këmbët tuaja të hapura, dhe mbi kokën tuaj, mbani një peshë 6 kg me të dy duart. Përkulni bërrylat për të anuar peshën pas kokës. Ndërsa tërhiqni/anoni krahët mbrapa, qëndroni galiç me pjesën e poshtme të trupit. Kthehuni në pozicionin fillestar dhe filloni përsëri. Kryeni 20 përsëritje. 

Karantina arriti të kthejë disa nga shtëpitë në palestra, gjë që është e shkëlqyeshme, sepse shëndeti fizik është bërë përparësia jonë. Imuniteti i fortë është një masë e madhe parandaluese kundër Covid-19. Po në lidhje me shëndetin mendor? A ka nevojë truri juaj për palestër? Do të ishte e dëshirueshme, sepse ushtrimi fizik është më i lehtë kur përcillet nga mendime të ndritshme. 
Ushtrimet për trurin, si dhe ato për trupin, janë më efektive nëse i kryeni ato rregullisht. Çfarë pritet saktësisht nga ju? Të merrni frymë, të mësoni të shprehni mirënjohje, të thithni mendime pozitive, të rrëfeheni kur e keni të vështirë - praktika që vazhdimisht do të rezultojnë me një mendje të fortë dhe të qëndrueshme. 
Për udhëzime të sakta, instaloni aplikacionin celular Happy Not Perfect, i cili është bërë nga një ekip ekspert ose provoni me ndonjë aplikacion të ngjashëm, zgjedhja është e madhe. Se kjo me të vërtetë funksionon në praktikë, pohon neuro-shkencëtarja Dr. Elena Antonova, e cila ligjëron në Kolegjin King. "Sa më shpesh të përsërisni një sjellje të caktuar, aq më shumë ka të ngjarë të formohet si zakon si një model i ri i trurit i cili do ta zëvendësojë atë të mëparshmin," shpjegon ajo. 
Qëllimi përfundimtar është të zëvendësoni zakonet e këqija mendore me ato të mira. Nuk keni nevojë për një aplikacion që ju kujton të merrni frymë ose të vlerësoni momentet? Në rregull, por të kesh atë në telefonin tënd do të krijojë një ndjenjë detyrimi ashtu si stërvitja e paguar në palestër. 

Reflektimi i qetë me veten është një mënyrë shumë më e shëndetshme për të filluar ditën sesa shfletimi në celular. 

rreth nesh

Shëndeti nuk është vetëm mungesë e sëmundjes, shëndeti është mirëqenie e plotë psiqike, fizike dhe emcionale. Misioni ynë do të jet i tillë. Me anë të këshillave të thjeshta dhe të shkurta dhe me përmbatje të cilat me shumë kujdes janë zgjedhur, ne ju ofrojmë të dhëna praktike të zbatueshme për përmirësimin e cilësisë së jetës në përgjithësi.

Ndiqni ne në Facebook

Newsletter

Shkruani e-mailin