Замена за кафе или чај без кофеин која делува смирувачки. Број 1 чистач на желудникот, црниот дроб и бубрезите. Го подобрува варењето на храната, ја лекува анемијата. 

Наут

Наутот е зеленчук кој сѐ уште не го користиме редовно иако е богат со растителни влакна, протеини, витамини и минерали. Една шолја наут обезбедува речиси една третина од дневната потреба за протеини, затоа е одлична замена за месо. Неговите протеини се клучни за здравјето на мускулите, коските и кожата. Во 164 г наут има дури 12.5 г растителни влакна, поради тоа е број 1 намирница на болните од дијабетес која ги штити од воспаленија. Количините на железо и калциум го прават клучен во превенцијата од остеопороза. За регулирање на крвниот притисок консумирајте свеж наут, бидејќи само 1 шолја содржи 474 мг. Конзервираниот не е опција поради додадениот сол инатриум. Влакната, калиумот, Б витамините, железото, магнезиумот и селенот го прават одличен чувар на срцето, но благодарение на антиоксидантите, наутот, превенира и од рак. Една шолја наут содржи 69.7 мг холин кој ја потпомага мозочната функција и онаа на нервниот систем. Одличен е за подобрување на мозочните капацитети како способноста за учење, концентрација, меморија, но истовремено ги подобрува расположението и метаболизмот. 
Овошје Јатки
Бројот на калории во 100 г боровинки е 57. Плус, имаат низок гликемиски индекс и делуваат превентивно од Алцхајмер.  

VS

34 % помал ризик од кардиоваскуларни заболувања обезбедуваат кикириките (или путерот од кикирики) ако ги јадете секој ден.
 
 
Консумирањето жолто или портокалово овошје секојдневно двојно го намалува ризикот од рак на мочниот меур, бидејќи тие значително го зголемуваат внесот на витамините А, Ц и Е. 

 
 
 
 
 

Што вели науката?

 
Чинот на ослободување на плодот од јатките како ф’стаци го срушува безумното грицкање, редуцирајќи го внесот на калории за 59 %. Запомнете, најпожелни се суровите варијанти за да ја избегнете додадената сол. 

 
 
Кога го консумираме цело, овошјето доаѓа спакувано со растителни влакна кои го забавуваат ослободувањето на шеќер во крвта и спречуваат скокови во нивоата – се поврзуваат со зголемување на ризикот од дијабетес тип 2. 
 
 
 
 

Доброто кај нив

 
Полинезаситените и монозаситените масти во јатките го намалуваат нивото на лошиот холестерол и на тој начин го штитат организмот од срцеви заболувања и мозочен удар. 

 
 
Претпоставувате и сами, шеќерот е оној кој ги мати нештата. Овошје кое содржи најмногу шеќер со сигурност е јужното како банана, манго, ананас. 
 
 
 

Лошото кај нив

 
Јатките се консумираат еднаш дневно, ако се редовни на менито. Но, ако ги јадете четири пати во денот, сметајте дека сте внеле четири пати повеќе масти отколку што содржи еден хамбургер. Колку е премногу? 23 бадеми важат за една порција. 

 
 
Во потрага сте по поттикнувач на среќа? Вашата потрага е завршена! Една овошна салата е доволна за да дојдете до чувство на задоволство.
 
 

Нутритивност

 
Активирањето на јатките води до зајакнување на нивниот нутритивен профил. Затоа, покиснете ги преку ноќ во вода во која ќе ставите 1 кафена лажица сол, а потоа ставете ги во дехидратор или печете ги во рерна.

 
 
„Овошјето како портокалот и кивито се богати со витамин Ц, кој ги подобрува изгледот на кожата, имунитетот и плус ќе ве снабди со енергија. Антиоксидантите во поголемиот број овошја исто така позитивно влијаат на кожата, концентрацијата и меморијата и го одржуваат балансот на хормоните“, вели Alice Mackintosh, нутритивен терапевт.
 
 

Експертско мислење

 
„Јатките изобилуваат со хранливи материи и витамини, како калциум и магнезиум, и се одлични за здравјето на мозокот и срцето. Дневната порција јатки важи за одличен штит од цел еден ранг состојби вклучувајќи и рак“, вели Laura Tilt, диететичар.

 
 
 
 
Јатките се во предност!
Одлични контролори на гладот, уште подобри поддржувачи на мускулниот раст и број еден штит на срцето.
 

Најважните состојки во плодовите кои остануваат во соковникот
 

И покрај зголемената свест за здравата исхрана, поголемиот број луѓе не внесуваат доволно растителни влакна. На листата виновници е брзата храна, цедените сокови и смутиња и загубената навика да ги береме плодовите и да ги јадеме онака како што ги дала природата.
„Многу жени се фокусираат на броење калории или макронутриенти (протеини, јаглехидрати и масти), не разбирајќи ја важноста и бенефициите од растителните влакна. Многумина не ни знаат што всушност се растителни влакна“,вели нутриционистот Jennie Gough. 
Трендот на консумирање растителни влакна не е нов. Датира уште од 80-тите кога луѓето јадеа компири, грав и трици со цел да стасаат до посакуваните 70 г растителни влакна во денот. Но, некаде помеѓу Аткинсовата диета и трендот наречен смути, растителните влакна излегоа од фокус. 
Диететичарите сугерираат дека луѓето во просек внесуваат околу 18 г растителни влакна дневно, иако неопходна е речиси двојна количина. 

Што се всушност растителни влакна? 
Комплексна хранлива материја со уникатни особини. „Терминот влакна ги подразбира несварливите растителни јаглехидрати во вашата исхрана“,вели Simon Bach,колоректален хирург од болницата Spire Parkwayво Бирмингем.
„Постојат различни типови јаглехидрати –скроб, кој е во суштина долг ланец на глукоза,и нескробни полисахариди, кои се всушност долги ланци на други шеќери (неглукозни). Всушност,овие нескробни полисахариди ги чинат влакната во вашето мени.“
Според тоа како се однесуваат во организмот, експертите ги делат растителните влакна на растворливи и нерастворливи. Растворливите ги има во мешунките и во месестиот дел на овошјето и зеленчукот. Тоа се оние растителни влакна кои се раствораат штом дојдат во контакт со вода создавајќи специфична гелна структура која од дебелото црево стасува во телото. 
Нерастворливите влакна се присутни во житарките од цело зрно и во лушпите на овошјето и зеленчукот. Бидејќи се нерастворливи, тие остануваат во цревата, но се клучни за добрата цревна перистатика, односно за движењето на храната во цревата. 
Сѐ поголем е бројот на експерти кои ја напуштаат ваквата категоризација на влакната поради нивното неконзистентно однесување во организмот. Во превод, терминот диететски влакна ги обединува и двата типа – растворливи и нерастворливи. 
Она што е поважно да знаете е дека влакната во дебелото црево подлежат на обработка од микробиомот. Овие бактерии ги разложуваат влакната и ги користат добиените јаглехидрати како енергија, но исто така создаваат масни киселини со краток ланец. 
Влакната кои непроменети стасале во дебелото црево, таму подлежат на обработка од микробиомот на цревата. Овие бактерии ги разложуваат влакната и ги користат добиените јаглехидрати како енергија, но исто така создаваатмасни киселини од краток ланец (SCFAs)како нуспроизвод.
Токму овој нуспроизвод е фокусот на интерес на истражувачите ширум светот. Се нижат студиите кои покажуваат дека ваквите масни киселини се одлични сојузници во борбата со еден цел спектар болести, имаат и антивоспалителни својства. Оттука, влакната допрва ќе станат клучни во градењето долгорочен имунитет.  

Зошто се пожелни?
Она што досега е познато е дека влакната ги зајакнуваат коските, го одржуваат здравјето на цревата, го намалуваат ризикот од остеоартритис и го намалуваат холестеролот. Понова серија истражувања ја официјализираа нивната моќ да делуваат превентивно на ракот на дојка и да го зајакнат имунитетот. 
Сите овие докази зборуваат за тоа колку растителните влакна го одржуваат човековото здравје на долг рок, но едно е сигурно, тие се ретки макронутриенти кои носат инстант бенефити ако се консумираат редовно и во препорачаните дози. 
Сепак, на пиедесталот се искачија откако се утврди нивната улога во одржувањето на телесната тежина. Како забавувачи на дигестивните ензими, индиректно го регулираат нивото на шеќер во крвта (спречуваат нагло покачување или пад на шеќерот) одржувајќи ве сити подолго време. 
Масните киселини, нуспроизводот што го споменавме погоре, исто така имаат голем удел во овој дел. Имено, тие охрабруваат едни специфични клетки да лачат хормони кои го суспензираат апетитот како пептиди YY. Плус, неодамнешните студии го потврдија влијанието на микробиомот врз процесот на складирање на калориите како масти.

Како да дојдеме до нив?
Храна која изобилува со влакна е онаа која содржи најмалку 6 грама влакна во 100 грама оброк, додека оние кои содржат најмалку 3 грама се само извор на влакна“, објаснува Nichola Ludlam – Raine,диететичар од Британската диететска асоцијација. Запомнете, вашата цел треба да биде 30 грама растителни влакна во денот. Како да стасате до оваа бројка?
Едноставно е, вклучете замрзнат зеленчук во оброците, заменете го чипсот со јатки, семиња и пуканки и користете житарки со цело зрно. Искоренете ја навиката да го лупите овошјето, бидејќи лушпата изобилува со влакна. Кога станува збор за сокови, при цедење се губат влакната, но не и при блендирање. Сепак, да не се залажуваме, најголем ефект има плодот во својот чист облик. Значи фрлете се на џвакање!
Вклучувањето на влакната во исхраната никако не смее да биде нагло. Преминот од мени сиромашно со влакна во мени пребогато со влакна може да има последици врз дигестивниот систем. Резултатот може дијаметрално да варира, од констипација па сѐ до дијареа. Постепеното внесување влакна треба да биде проследено и со покачено консумирање течности. Ако имате и најмалку чувствителен стомак, задолжително консултирајте се кои извори на влакна се најсоодветни за вас. Ако вашиот стомак е пријателски настроен кон сите влакна, водете сметка тие да доаѓаат од разноврсни извори. 
 


Предлог фиброзни оброци


60 г овесни снегулки +Спирали од сладок компир + 100 г наут + 
1 рендано јаболко +1 филета лосос +120 г сечкан домат + 
2 супени лажици семки од тиква150 г марула салата85 г киноа 
Соединете ги состојките и прелијте ги со 350 мл млеко и ставете ги да преноќат во ладилникот. Испечете го лососот, сварете го компирот на пареа и послужете ги со салата. Пропржете го наутот со доматите, додадете малку лук и зачини и послужете ги со варена киноа. 
 = 16 грама влакна= 6 грама влакна= 25 грама влакна
 
 

Препорачаната дневна доза на растителни влакна за мажи изнесува 30 грама, додека за жени 20 грама. 

Дрен

Дренките, суровите, се идеални за превенција од настинки и грип, бидејќи сeна врвот на листата со најмногу витамин Ц во составот. Особено им се препорачуваат на луѓето коишто страдаат од анемија и дијабетес. 
Црното семе заслужува да се најде на листата на природни суплементи, бидејќи неговите корисни својства му служат на човекот уште пред 2 илјади години. На почетокот, наоѓало примена при лекување главоболка и низа други болки, но со текот на времето се користело и за лекување на многубројни состојби на дигестивниот тракт како подуеност, дијареја, констипација, хемороиди. Црното семе е делотворно и кај респираторните состојби како астма, алергии, кашлица, бронхитис, грип. Од нутритивен аспект, предничи со омега-6 и омега-3 масни киселини во составот, калциум, железо, натриум, калиум, а богато е и со диететски влакна. Тоа е моќен антиоксидант, содржи аскорбинска киселина, кварцетин и лутеин, кој се бори со слободните радикали штитејќи го организмот од рак и од мозочен удар. Специфично за него е што содржи аргинин, кој е важен и за трудниците и за развојот на бебето. Се препорачува да се консумира и во текот на доењето, особено ако мајката има недостиг од млеко. Најчесто се консумира во облик на масло.
Добрите дела ги топлат душите – и на сторителите и на уживателите – но, за првите следуваат плус здравствени бенефиции.
Забележувате ли малку повеќе човечност во воздухот? Се чини дека добрината го живее својот момент. Дали овде зборуваме за посткорона реакција или за некаков природен механизам на балансирање помеѓу доброто и злото? Сосем сеедно е! Но, пред да скокнете целосно отфрлувајќи ја тезата, бидејќи сѐ уште никакво добро не сте почувствувале, имајте го на ум следното: Невозможно е да го контролирате светот, ниту пак своето опкружување, но и тоа како го контролирате своето дејствување. Затоа, сторете добро и со добро ќе ви се врати. Плус, споделувајќи љубов ќе дојдете до низа здравствени бенефиции. 
 
ПОЗДРАВО СРЦЕ
Трошењето пари на други ја подобрува кардиоваскуларната функција, откри студијата во Здравствената психологија. Учесниците во студијата добивале по 35 евра неделно во период од 3 недели, притоа, парите можеле да ги трошат за себе или за други. Кај луѓето, кои дадените пари ги потрошиле за други, бил забележан пад на крвниот притисок. Авторите на студијата претпоставуваат дека промената се должи на нагласеното чувство на социјална поврзаност и намалување на нивото на стрес (чувства кои обезбедуваат здраво срце), што дошле до израз благодарение на великодушните постапки.
Вашиот потег:Нема потреба да одвојувате високи суми, и малку потрошените пари како педесетина денари за 100 г кафе, ќе завршат работа – тврди авторот на студијата,д-рЕшли Виланс,од „Бизнис школата Харвард“. Без повод, купете ѓеврек за себе и за колегата. 
 
ПОСРЕЌНИ ВИЕ
Добрите дела го зголемуваат нивото на окситоцин (хормон одговорен за среќата на човекот), а тоа ќе го подобри вашето расположение и ќе ги намали анксиозните чувства. Изненадувачки, истото се случува и кога ќе посведочите нечија великодушност.
Вашиот потег:Нешто што со сигурност може да ја поттикне споменатата анксиозност? Кога некоја фрустрирана душичка ќе ве нападне како гром од ведро небо. Обидете се да одолеете на потребата да возвратите со слични отровни стрели и премолчете! Потсетете се дека најверојатно не станува збор за нешто лично против вас. Честопати забораваме дека и другите луѓе се само луѓе коишто се обидуваат да го истуркаат денот на најдобар можен начин. Затоа, прекинете го кругот на ширење негативна енергија и опкружете се со љубезни луѓе колку што можете почесто – студиите велат дека љубезноста и добрината се заразни. 
 
ПОДОЛГ ЖИВОТ
Кога луѓето, и покрај тоа што се соочиле со стресен настан (загуба на некој близок или финансиска криза) ќе продолжат да прават добри дела во истата година, голема е веројатноста да го продолжат својот животен век, тврди студијата објавена во „Американскиот весник за јавно здравје“. Авторите на студијата веруваат дека добрината гоамортизира стресот и ја поттикнува издржливоста на човекот кој се соочува со тешкотии.
Вашиот потег: Помагањето на другите нека ви стане навика. Понудете им превоз на пријателите коишто останаа без автомобил или појдете по набавки во име на соседите. Редовно одвојте дел од вашето време и енергија да им помагате и на луѓето и на животните – запомнете, сѐ се брои!
 
ПОСИЛЕН ИМУНИТЕТ
Преку постојано изложување на позитивни емоции како сочувство, емпатија, благодарност, и несомнено вашиот одбранбен систем ќе стане посилен и од челик. Кај луѓето кои учествувале во петминутна практика на изразување вакви емоции, било забележано покачување на имуноглобулинот А – антитело коешто се бори со вирусите, се вели во истражувањето објавено во „Весникотза напредок во медицината“. 
Вашиот потег:Посветете 5 минути за да размислите за личностите за коишто се грижите, почнете со една. Да, толку е лесно! За посилен ефект, напишете ѝ писмо во кое детално ќе опишете зошто ја почитувате личноста. Не мора ниту да го пратите писмото, советува Соња Љубомирски, професорка по психологија на „Универзитетот на Калифорнија“во Риверсајд. Студиите покажуваат дека само преку артикулирање на мислите, ќе се чувствувате поповрзани со личноста, но ќе станете и посклони да делувате водејќи се според тие благородни чувства. 
 Кој предничи на нутритивната листа? 




Пилешко Јајца
35,9 кг пиле и 14,3 кг пилешки стек е просечниот годишен потрошувачки износ на едно македонско домаќинство.  

VS

724 јајца е просечната годишна потрошувачка на јајца на едно македонско домаќинство.
 
Пилешкото месо е богато со омега-3 масни киселини што го подобруваат оптималниот капацитет на срцето, белите дробови и мускулите, ефективно да го користат кислородот при вежбање. 
 
 
 
 

Што вели науката?

 
Во студијата на „Универзитетотна Илиноис“, се вели дека високоприсутниот лутеин во жолчката делува одбранбено при првите напади на деменција. Студијата од „Харвард“, истата состојка ја поврзува со намален ризик од визуелни оштетувања во зрелата доба. 
 
Пилешкото месо е познат извор на протеини што се неопходни за раст на мускулите – во 100 г пилешко месо има 31 г протеини и само 3.6 г масти (само ако избегнувате да ја јадете кожата), а исто така содржи и многу селен – минерал кој се поврзува со губењето масти. 
 
 
 
 

Доброто кај нив

 
Две големи јајца ќе ве обезбедат со 12 г протеини, што ги прави одличен оброк за по вежбање, но исто така јајцата содржат речиси двојно повеќе рибофлавин – делува антиканцерогено – и витамин Б12 – ја поттикнува мозочната функција – во однос на месото. 
 
Секогаш кога можете купувајте пилешко месо од село, бидејќи кокошките коишто не се одгледани на фарма, туку се слободно пуштени во двор, се побогати со витамин Е и имаат 50% помалку масти. 
 
 
 

Лошото кај нив

 
Јајцата содржат речиси иста количина масти како и протеини и се извор на холестерол. Но, не е вистина дека треба да јадете максимум 4 јајца неделно. Холестеролот во храната има многу мало влијание врз холестеролот во крвта – заситените масти се оние што треба да ве плашат, затоа наместо пржени, јадете варени јајца. 
 
„Темното пилешко месо е многу побогато со хранливи материи. Копаните и крилцата содржат малку повеќе железо и цинк. Но, јадете го и потемното и посветлото месо за да дојдете до нутритивен микс“, советува Рик Милер, клинички и спортски диететичар. 
 
 

Експертско мислење

 
„Јајцата се богат извор на холин – малку позната хранлива материја којашто е корисна за здравјето на мозокот и нервниот систем. Бидејќи се богати со витамини Б12 и Б6, јајцата го помагаат ослободувањето на енергија од храната“, вели Рианон Ламберт, нутриционист. 
 

Сепак, јајцето е прво!
Ова ќе им се допадне на оние што не јадат месо – јајцата имаат далеку посупериорен нутритивен профил, поради што важат за мултивитамини коишто ги поттикнуваат истовремено и мозокот и мускулите. 

За Нас

Ваш Аптекар, наменето да ги задоволи вашите потреби за квалитетни информации во врска со употребата на лековите и другите средства кои ги земате во аптеките. Ние се грижиме за вашето здравје и ќе ви обезбедиме интересни содржини кои директно ќе влијаат врз вашиот приод кон лекувањето и начинот на живот воопшто.

Следете не на Facebook

Newsletter

Внесете ја вашата е-пошта и навремено дознајте за сите новости и информации поврзани со Ваш Аптекар.