Иако жените се почесто во кујна, мажите веруваат дека се подобри готвачи, а најмногу милуваат да го коментираат хаосот што сте го приредиле. Но, со овие совети ќе бидете поуредни и побрзи домаќинки. Но, не за да им се докажувате ним, туку за да ви остане време за кафе со пријателките. 
 
Во трка со времето
Мали трикови на големите готвачи
1. Немате време да го исечкате месото? Не грижете се, едноставно исчукајте го. Оваа техника за подготовка на шницли, го забрзува времето што е потребно за месото да се зготви и плус овозможува порамномерно печење, а функционира за кој било тип на месо. Не губете време да го барате толчникот, едноставно ставете го месото во една ќесичка за замрзнување и удрете со тавата. Ем ќе заштедите време, ем ќе се ослободите од стресот. 

2. Многу домаќинки прво го мијат зеленчукот, па го лупат и на крај го сечкаат. Не дека е погрешно, но по лупењето станува некако неизбежно уште еднаш да го премиете, нели? Затоа, веднаш преминете на главната цел, излупете го или исчистете го зеленчукот од непотребните листови кои секако се најнечисти. За да не мора темелно да го миете, потопете го во сад со вода во кој ќе ставите алкохолен оцет или сода бикарбона.

3. За да го скратите времето потребно за да зоврие водата за тестенини, избегнувајте ги длабоките тенџериња. Место нив, обидете се со пошироко и поплитко тенџере. Не грижете се, тестенините ќе се сварат и во помалку вода, иако, секогаш можете и да доставите ако се сомневате дека не се варени. Но, во едно бидете сигурни – водата побрзо зоврива во поголема површина, а не во подлабока. 

4. Кога станува збор за исхраната, децата знаат да бидат непредвидливи и место вашиот избор за ручек, да побараат да јадат нешто сосем друго. Не паничете, ако втората опција подразбира печење или варење, едноставно сечкајте ги намирниците поситно и потенко, и готови сте за помалку од час.

5. Загревањето на рерната е одличен трик за да го скратите времето за печење, но за плус минути, ставете ја и тавата да се загрее. Кога ќе го ставите зеленчукот, месото, или што и да готвите, тоа што ќе падне на дното ќе почне да се пече истовремено со намирниците кои се изложени директно на топлиот воздух. Плус, на овој начин ќе добиете рамномерно печење.

6. Ако сте од оној тип домаќинки кои избегнуваат затоплување во микробранова, имаме идеја како да заштедите време, но и електрична енергија. Наместо да ги затоплувате замрзнатите кифлички во тава, за која треба време да се загрее, постелете хартија за печење директно на решетката од рерната и озгора наредете ги кифличките. 
 
Паметно складирање
Начинот на кој ја замрзнувате готовата, полуготовата или свежата храна, прави голема разлика. Кога веќе потрошивте време да складирате, погрижете се храната да заврши во тавата, а не во кантата за отпадоци. 

1. Овошјето и зеленчукот кои создаваат етилен (гас) како јаболка, банани, домати, треба да се чуваат одделно од оние кои се чувствителни на етилен како карфиол, моркови и листестиот зеленчук. Ваквата разделба подразбира подолг рок на траење за сите овие намирници. Направете една брза проверка на ладилникот за длабоко замрзнување и направете нова распределба.

2. Оние садови за правење коцки лед? Не можете да верувате колку време ќе ви заштедат. Одлични се за складирање на блендирано овошје кое ќе го користите за смути.Наутро, само ставете ги во чаша топло или ладно млеко и тие ќе се стопат. Одлични се и за замрзнување сосови за паста како песто или бујон кој ќе ви послужи да го збогатите вкусот на многу јадења. Едноставно, ставете неколку коцки во тава или тенџере во кое се готви месо и сте го зачиниле јадењето со еден потег.

3. Садот за складирање храна чиј капак не пропушта воздух е нешто што задолжително мора да го имате во кујна. На тој начин, ќе ја одржите свежината на храната бидејќи таа нема да се исуши, да се разводни или да го апсорбира мирисот од ладилникот. Стаклените садови се најуспешни во оваа задача, плус, безбедни се и за во ладилник и за во рерна. Лесно се мијат, не замирисуваат и не задржуваат дамки како пластичните. 
Изобилуваат со клучни витамини (А и Ц), минерали (железо и калциум), аминокиселини и протеини, а многу малку шеќер, што ги прави одлична ужина и за луѓето со дијабетес.

Мака

Коренот познат како мака е познат перуански зачин кој им дава суптилен земјен вкус на јадењата, а денес, во облик на прав, многумина го додаваат во смути. Овој корен е најпознат по тоа што има моќ да го поттикне либидото и да ги реши сексуалните проблеми – кај жените во менопауза и кај мажите кои се соочуваат со еректилна дисфункција или неплодност. Маката ќе ве преплави со енергија и ќе ве направи поиздржливи при стресни и напорни денови. Спортистите се потпираат на неа кога имаат напорни тренинзи, а студентите кога имаат за учење, бидејќи ја подобрува меморијата. Како богат извор на флавоноиди, таа позитивно влијае на расположението. Маката ги поттикнува природните антиоксиданти во телото, како глутатион и супероксид дисмутаза, кои се одлични противници на слободните радикали. Токму затоа, маката важи за одлична превенција од рак, срцеви заболувања, а успешно го регулира и крвниот притисок. Особено им се препорачува на жените во менопауза и на оние кои имаат полицистични јајчници, бидејќи го балансира нивото на естрогенот. 

Маџун

Гроздовиот слад е богат извор на витамини: Б1, Б2, Б3, Б6 и Ц; минерали: калиум, натриум, калциум, железо. Одлична здрава замена за белиот шеќер во топлите есенски напивки.
 
Ливчињата кои до скоро ги сметавме за обична трева, во себе кријат низа хранливи материи, а многу малку калории. Со само 34 г поточарка ќе ги задоволите дневните потреби за витамин К кој е неопходен за здрави коски. Поточарката, исто така, содржи витамин Е, А, Ц, тиамин, витамин Б6, фолати, магнезиум, натриум, железо и др. Речиси и да не постои растение кое содржи толку многу антиоксиданти, поради што поточарката се смета за врвна превентивна мерка од хронични заболувања како дијабетес, срцеви заболувања и рак. Бидејќи нејзиниот состав изобилува со фитохемикалии, таа докажано го намалува ризикот од појава на одредени типови рак. Не е за потценување ниту количеството витамин Ц што го содржи, затоа се препорачува нејзината редовна консумација во период на настинки, вируси или пандемии со цел да го зајакнете имунитетот. Поточарката има специфичен вкус кој одлично оди во комбинација со друг зеленчук или месо. Задолжително земете ја предвид, особено ако ви здодеа од марули – малку треба да изедете, а многу ќе добиете. 
  
Помалку од 1 милиграм, а прави чуда во организмот

За разлика од витамините, минералите се неоргански компоненти кои не се уништуваат при готвење. Макроминералите се неопходни во големи количества, околу 100 мг дневно, додека минералите во траги се неопходни во многу мали дози, честопати и помалку од 1 мг дневно. Овој пат фокусот го ставаме на вторите, бидејќи сѐ поголем е бројот на луѓе кои не ја внесуваат и онака малата доза. Според експертите, ова се должи на новите трендови во исхраната како избегнување на млеко или месо. Хроничен умор, когнитивно опаѓање, депресија – се само дел од симптомите предизвикани поради дефицит на минералите во траги. 
 

ЈОД -  Менаџер на тироидната жлезда
Семоќен минерал, клучен за невролошки развиток и нормално функционирање на тироидната жлезда. Без него, активниот тироиден хормон, тријодотиронин (кој е вклучен во метаболизмот, срцевите и дигестивните функции, мускулната контрола, коскеното одржување и мозочниот развој) нема да постои. Истражувањата покажуваат дека на луѓето им недостасува јод во исхраната, дел од вината се должи на млекото од растително потекло кое содржи само 2% од јодовата концетрација присутна во кравјото млеко. 
Каде го има?Во бело месо од риба и во млечни производи. Зачинувањето на храната со јодирана сол е одличен начин за да ги задоволите потребите. 
Доза?Целете на 0,14 мг дневно. Преголемите дози на долг рок може да имаат спротивен ефект врз тироидната функција. 200 мл млеко обезбедува 0,05-0,1 мг, а 100 г бакалар ќе ви обезбеди 0,19 милиграми јод. Во однос на суплементи, најдобра опција се мултивитамините кои содржат калиум јодид или натриум јодид. 
 

БАКАР - Согорувач на масти
Според истражувањето објавено во „Nature Chemical Body“, бакарот е неопходен за преработка на мастите. Во студијата од 2016 година, истражувачите откриле дека колку повеќе бакар имале испитаниците во нивниот организам, толку повеќе масти биле разградени – сѐ уште не е јасно на што се должи ова. Исто така, докажано е дека минералот ја поттикнува мозочната работа; дефицитот на бакар се поврзува со Алцхајмер.
Каде го има?Во сончогледот, индиските ореви, зелените маслинки и во морските плодови.
Доза?Целете на 1,2 мг дневно – 30 г индиски ореви и сте завршиле работа. Имајте на ум, големите дози може да предизвикаат стомачни болки, лошење, дијареја. Ако тие се задржат подолг период во организмот, може да ги оштетат црниот дроб и бубрезите.
 

СЕЛЕН - Чувар на имунитетот
Ако често настинувате или се обидувате да забремените, тогаш обратете се кај овој минерал. Селенот го поттикнува имунитетот и е клучен играч во процесот на формирање јајце клетки и фертилизација. Истражувањата велат дека 47% од жените слабо внесуваат селен. 
Каде го има?Бразилски ореви и јајца.
Доза?Во просек околу 0,06 мг дневно (0,075 мг ако доите), доза што ќе ја постигнете консумирајќи три бразилски ореви неделно (не дневно, како што многумина мислат). Бидете внимателни, преголемите дози водат до селенско труење, симптоми кои вклучуваат опаѓање на коса и дисколорации на кожата и на ноктите.
 

МОЛИБДЕН - Штит на црниот дроб
Минерал кој ќе ви се најде во моментите дозирани со многу алкохол. Алкохолот содржи сулфати кои го нагризуваат организмот. Молибденот е поддршка за ензимот наречен сулфит оксидаза, кој е клучен за конверзија на токсичните сулфити во поинертни сулфити, кои потоа телото ќе ги исфрли преку урината.
Каде го има?Растенијата кои растат над земја содржат поголеми дози во однос на оние кои растат под земја. Карфиол, компири, овес, грав.
Доза?0,065 мг, до кои ќе стигнете преку 100 г порција компири.
 
 

МАНГАН - Превенција од остеопороза
Есенцијален за здрави коски, а според студиите спроведени од „Универзитетот на Калифорнија“, го забавува процесот на намалување на коскената маса (кој стартува во 30-тите) кога се консумира во комбинација со калциум, цинк и со бакар. Манганот го активира ензимот гликозил-гидролаза, ензим неопходен за формирањепротеогликани молекули присутни во‘рскавицата. 
Каде го има?Чајот е наједноставен извор, но ако не сте љубител на билките, тогаш јадете овесна каша со цимет исо каранфилче.
Доза?Целете на 3 мг дневно. Една или две шолји чај се сосем доволни.

ХЕЛДА

Можеби не може да се пофали со многу витамини, но за разлика од другите житарки, содржи многу повеќе минерали како магнезиум, бакар и манган. Иако хелдата не е житарка, туку семе од овошје. Покрај нејзините антиоксидативни својства, особено е барана поради капацитетот да го модерира нивото на шеќер во крвта, па претставува здрав избор за пациентите со дијабетес тип 2. Како одличен извор на растителни влакна, консумирајте ја при какви било стомачни тегоби или дијареја. Не содржи глутен и затоа е одлична антиалергена намирница за бебињата, но и за болните од целијакија. Особено е добра за повозрасните, бидејќи го штити срцето. Нејзините сварливи протеини се одлична замена за месо. 
Зеленчук со ниска енергетска (93% составен од вода), но висока нутритивна вредност. Најмногу содржи калиум, фосфор, калциум и магнезиум, витамин Ц и Б6. Древните Кинези го користеле како лек против сува кашлица, чиреви и отоци. Тие верувале дека аспарагусот ги намалува болките во нозете, па го ставале и во геловите за туширање. Тој е признат диуретик и најбогат извор на флавоноидот рутин,кој го намалува холестеролот, го снижува крвниот притисок и ги зајакнува ослабените капилари. Консумирајте го при долготрајна и напорна мозочна работа. 

За Нас

Ваш Аптекар, наменето да ги задоволи вашите потреби за квалитетни информации во врска со употребата на лековите и другите средства кои ги земате во аптеките. Ние се грижиме за вашето здравје и ќе ви обезбедиме интересни содржини кои директно ќе влијаат врз вашиот приод кон лекувањето и начинот на живот воопшто.

Следете не на Facebook

Newsletter

Внесете ја вашата е-пошта и навремено дознајте за сите новости и информации поврзани со Ваш Аптекар.